Të kesh një kafshë në shtëpi është një mundësi e mirë për të favorizuar zhvillimin e mirë të fëmijës, por ndonjëherë mund të ndodhë që qeni të kafshojë të voglin ndoshta edhe si një formë mbrojtëse ndaj mënyrës së egër që fëmija mund të jetë sjellë. Të mos harrojmë se rastet kur fëmija u shkel bishtin, ua tërheq atë, u fut gishtat në sy, janë të shpeshta prandaj pikë së pari do t’ju këshillonim të mos e linit fëmijën të luante me qenin pa qënë prezent një person i rritur.
Por si duhet të veprojmë nëse fëmija tashmë është kafshuar nga qeni?
Para së gjithash duhet të kuptoni nëse është një plagë që mund të kurohet në shtëpi apo duhet të shkoni në spital. Mund të bëhet fjalë për një gërvishtje apo edhe për plagë që mund të rrezikojnë jetën e fëmijës. Gjithashtu pasojat e kafshimit do të ndikohen edhe nga tipi i bakterit që ndodhet në kavitetin oral të kafshës. Shpesh plagët infektohen nga kujdesi jo i mirë që është dhënë dhe rreziku i infektimit tek fëmijët është edhe më i lartë. Nëse nuk bëhet fjalë vetëm për një gërvishtje duhet të shkoni menjëherë në spital.
Si ta mjekojmë në shtëpi?
Para së gjithash duhet të telefononi mjekun për të pyetur nëse mund ta mjekoni vetë dhe më pas duhet të lani mirë duart me ujë dhe sapun. Pastaj mund të aplikoni një substancë antiseptike dhe më pas duhet të bisedoni në lidhje me vaksinën e tetanozit. Pra mjeku vendos nëse duhet të kryhet apo jo. Zakonisht kur fëmija është vaksinuar rregullisht nuk lind nevoja e një vaksinë kundër tetanozit apo për të marrë imunoglobulina.
Duhet marrë antibiotik?
Nëse plagët janë të thella dhe disi të infektuara dueht të merrni antibiotik, por sigurisht këtë e vendos mjeku. Pra nëse vërehet skuqje dhe shenja infeksioni duhet të flisni menjëherë me mjekun edhe nëse shfaqen pas disa ditësh.
Sorry, there are no polls available at the moment.
')}
Për të lënë një koment ju duhet të jeni regjistruar Identifikohu