Perse disa femije s’e pelqejne shkollen dhe cfare duhet te beni ju si prinder?

Disa fëmijë përshtaten shumë mirë me shkollën dhe kanë një ecuri të mirë në mësime menjëherë sapo fillojnë, ndërsa për disa të tjerë nuk është kështu. Ata në një moment fillojnë ta urrejnë shkollën dhe t’ju bëjnë të ndiheni në vështirësi në lidhje mënyën si të veproni.

Përse disa fëmijë e urrejnë shkollën?

Mund të ndihen në vështirësi duke qënë se ndryshimi i klasave (kalimi në një më lart) ju duket i lodhshëm, pra kanë më shumë mësime, më shumë përgjegjësi etj. Në këtë rast ju si prindër duhet të flisni dhe të kuptoni ku qëndron problemi. Mund të mësoni bashkë në mënyrë që ai të ketë më të lehtë të kuptojë një lëndë dhe më pas të ketë ecuri të mirë edhe vetë.
Mund të jetë viktimë e bullizmit. Ky është një makth për shumë fëmijë të shkollës dhe viktimë e bullizmit mund të jetë jo vetëm nga shokët por edhe nga mësuesit. Ju duhet të kuptoni nëse po ndodh kjo gjë duke parë simptomat e tjera që ai ka. Në këtë rast do të ketë pak interes edhe ndaj aktiviteteve që më parë pëlqente si edhe do të jetë tepër i heshtur. Bisedoni me të dhe bindeni qetësisht se do t’i zgjdhni të gjitha problemet, mjafton të hapet me ju.
Është duke përjetuar stres. Në shkollë është nën stres për të dalë me rezultate të mira, në shtëpi jeni ju që pretendoni të studiojë sa më shumë, sidomos në sezon provimesh, dhe kështu ai nuk gjen kohë të qëndrojë me bashkëmoshatarët e tij. Përpiquni të kuptoni sa të rëndësishëm janë miqtë për fëmijën tuaj. Prandaj e organizoni ditën e tij në mënyrë që të ketë mundësi të argëtohet.

Cila është ecuria e fëmijëve tuaj në shkollë? Kanë shfaqur shenjat e një prej shqetësimeve të mësipërme?

Lexo edhe:

Keqtrajtimi ne shkolle, prinderit teper te shqetesuar

Tete faktoret qe ndikojne ne suksesin e femijes ne shkolle