A mund të jemi alergjikë ndaj kosit? Po, kjo është tërësisht e mundur. Në fakt alergjia vjen nga qumështi, e për rrjedhojë edhe nga kosi si një nënprodukt i tij. Alergjia nga qumështi është një nga më të zakonshmet, sidomos tek foshnjat dhe fëmijët e vegjël. Një reaksion alergjik është reagimi i trupit tuaj ndaj një proteine ushqimore specifike që e sheh si të dëmshme për organizmin.
Sipas Sharon Chinthrajah, profesor asistent klinik në ndarjet e alergjive dhe imunologjisë në Universitetin e Stanfordit dhe në “Spitalin e Fëmijëve Lucile Packard”, alergjia e kosit është alergji nga qumështi.
Alergjia e qumështit të lopës është më e zakonshme tek fëmijët e vegjël. Ajo prek rreth 2.5 për qind të fëmijëve më të vegjël se tre vjeç. Simptomat e zakonshme të një alergjie qumështi janë ënjtja, kruajtja, dhimbje barku dhe të vjellat. Në disa raste mund të shfaqet edhe anafilaksia, e cila mund të jetë kërcënuese për jetën.
Simptomat shfaqen shpesh brenda dy orëve nga konsumi i kosit ose qumështit. Personat që kanë alergji nga qumështi, duhet të shmangin të gjitha nënproduket e tij si kosi, djathi, akullorja etj.
Intorleranca ndaj laktozës
Alergjia e qumështit nuk është e njëjtë me intolerancën e laktozës. Alergjia është një reagim imunologjik ndaj proteinave të qumështit. Ndërsa nëse jeni intolerant ndaj laktozës, trupit tuaj i mungon aftësia për të prishur laktozën, një sheqer të qumështit.
Simptomat e intolerancës së laktozës përfshijnë: gazra, dhimbje barku, diarre dhe ndjesinë e fryrjes. Këto simptoma mund të shfaqen 30 minuta deri në disa orë pasi keni pirë qumësht.
Personat që kanë intolerancë ndaj laktozës përgjithësisht nuk shfaqin probleme nëse konsumojnë kos.
Lexo edhe: Si ta bejme femijen te haje me shume fruta dhe kos?
')}
Për të lënë një koment ju duhet të jeni regjistruar Identifikohu