Rrjebulla është një prej sëmundjeve të lëkurës më të përhapura tek fëmijët, kryesisht nën moshën 5-vjecare. Por çfarë e shkakton atë?

Origjina nga familja

Rrjebulla shkaktohet kryesisht nga faktorë gjenetikë. Kjo nënkupton që një prej prindërve të ketë pasur një shqetësim të njëjtë. Rreziku që fëmija të preket nga rrjebulla do të jetë edhe më i lartë nëse të dy prindërit do të kenë qënë të prekur nga kjo sëmundje gjatë fëmijërisë së tyre.

Përgjegjës mund të jetë edhe smogu

Ndotja e mjedisit nuk është diçka pozitive për lëkurën delikate të fëmijës, mbi të gjitha nëse ai është nën moshën 5-vjeçare, kjo pasi metabolizmi i tyre është ende jo i maturuar mirë, duke bërë që të mos jetë në gjendje të shpërbërjë substancat kimike negative.

Kujdes me kurat

Prindërit nuk mund të ndryshojnë vendin ku jetojnë për shkak të këtij problemi, por që sigurisht mund të kujdesen në lidhje me kurat që ndjekin për përmirësimin e gjendjes së fëmijës. Kjo nënkupton faktin që prindërit duhet të aplikojnë gjithmonë një krem zbutës në lëkurën e fëmijës për të larguar tharjen e saj në mënyrë që të mbajnë disi larg rrjebullën, si edhe të përdorin produkte anti-inflamatore në fazën akute të sëmundjes.

Rrjebulla parandalohet në tavolinë

Ushqimi është shumë i rëndësishëm për të parandaluar rrjebullën. Fëmijët duhet të kenë një dietë ushqimore të pasur me fruta dhe perime në mënyrë që të marrin sa më shumë vitamina dhe minerale, peshk, yndyrna me origjinë vegjetale, fibra dhe drithëra, ujë. Fëmijët duhet të konsumojnë sa më pak pije me sheqer dhe ushqime të rafinuara, sidomos gjatë stinës së dimrit gjatë së cilës lëkura e fëmijës është e privuar nga benefitet e diellit dhe dieta e tij është më e pasur me karbohidrate dhe yndyrna.