Me rritjen e temperaturave është gjithashtu e nevojshme të ndryshohet dieta, sidomos e fëmijëve, të cilët duke luajtur në diell, rrezikojnë të dehidratohen më shumë se të rriturit. Në këtë kohë duhet të konsumohen shumë fruta, qoftë edhe në trajtë akulloresh, por edhe buka me domate e vaj është e rekomandueshme.
Frutat në radhë të parë gjatë verës
Këto janë sugjerimet në lidhje me ushqimet që duhet të konsumojnë gjatë verës fëmijët. Ekspertët shpjeguan se edhe në verë është e rëndësishme të vazhdoni të ruani zakonet e mira të ngrënies, gjithmonë të hani mëngjes, drekë dhe darkë dhe dy vakte të ndërmjetme. Preferohet më shumë të fusni fruta, por është gjithashtu shumë e rëndësishme të keni larmishmëri: frutat gjithmonë mbeten në vendin e parë, por në të dytin lehtësisht mund të jetë feta e bukës me pak vaj ose domate ose ndonjëherë me proshutë.
Ëmbëlsira vetëm për mëngjes
Biskota mund t’i hanë në mëngjes, prandaj është më mirë të mos rritni sasinë e sheqerit që fëmijët marrin. Lëngjet e frutave, nga ana tjetër, kanë humbur të gjitha fibrat, kështu që niveli i sheqerit në gjak rritet me shpejtësi: këshilla është t’i shmangni. Edhe akullore mund t’u jepni fëmijëve, mundësisht në shtëpi: ju mund të përzieni frutat, ta vendosni në frigorifer dhe kështu të merrni një akullore të përsosur dhe të shëndetshme.
Për të lënë një koment ju duhet të jeni regjistruar Identifikohu