Caji i finokut, qoftë i konsumuar me apo pa caj kamomili, është një qetësues natyral shumë efektiv për të porsalindurin (kolikat) si edhe favorizon tretjen tek nëna. Megjithatë duhet të dini se nuk duhet tejkaluar sasia e marrjes pasi në të kundërt mund të shfaqen efekte anësore.

Efekti kundër kolikave

Shkaku kryesor i shfaqjes së kolikave të barkut tek bebet është futja e ajrit gjarë pirjes, qoftë nëse bëhet në mënyrë artificiale apo nëpërmjet gjirit. Caji i finokut njihet për vetitë e tij në lidhje me nxjerrjen e gazrave të barkut tek të porsalindurit. Kjo arrihet falë stimulimit të veprimtarisë së stomakut dhe zorrëve.

Si përgatitet ky caj?

Ju mund të përgatisni çajin e finokut duke hedhur në ujë të nxehtë farat, rrënjët ose gjethet e finokut. Sasia e farave nuk duhet të jetë më e madhe se 10% (2-3 gram), dhe nëse mjeku jua lejon mund ta përdorni edhe gjatë shtatëzanisë. Ky çaj mund të pihet me ose pa u përzier me bimë të tjera.

Si mund të përdoret direkt tek i porsalinduri?

Për të qetësuar kolikat e bebeve ju mund të merrni 5 gr fara finoku, 5 gr lule kamomili, dhe 5 gr lule Melissa. Më pas hidhni një lugë nga përzierja e bimëve në 150 ml ujë të nxehtë. Pasi ka pushuar për disa minuta filtrohet dhe përdoret sipas nevojës.

Si ndikon në procesin e gjidhënies?

Nëse ky caj konsumohet pasi fëmija ka pirë gji do të ndokojë pozitivisht në prodhimin e qumështit dhe sekretimine  tij, falë prezencës së fitoestrogjenit, një substancë natyrale e ngjashme me hormonet femërore.

Kujdes! Nëse jeni duke përdorur antibiotikë duhet të këshilloheni me mjekun pasi përdorimi i këtij caji mund të ulë efikasitetin e këtij medikamenti. Nuk duhet të përdoret në sasi të mëdha, kryesisht gjatë shtatëzanisë, gjidhënies dhe tek fëmijët me moshë më të vogël se 4 vjeç.