Bletët dhe të sapolindurit: çfarë duhet të bëni në rast të pickimit?

Prindërit që kanë një të porsalindur mund të shqetësohen me të drejtë nga pickimet e insekteve, veçanërisht nga bletët. Siç dihet përveç dhimbjes, pickimi nga bletët mund të sjellë një reaksion alergjik pak ose edhe më shumë të rëndë.




0 0

Në rastin e një të porsalinduri, pickimi nga bleta mund të jetë veçanërisht shqetësues edhe për shkak se fëmija nuk flet dhe prandaj nuk është në gjendje të tregojë tek prindërit se çfarë ndjen, dhimbjen e tij dhe sidomos nëse ai ka vështirësi në frymëmarrje. Shkurtimisht, në rastin e fëmijëve kaq të vegjël duhet të jeni me të vërtetë të kujdesshëm, sepse ende nuk e dini nëse foshnja është tepër i ndjeshëm ndaj helmeve të bletëve.

Bleta pickon fëmijën, çfarë duhet të bëni?

Nëse fëmija pickohet nga një bletë, gjëja e parë që duhet të bëni është të përpiqeni të qëndroni të qetë. Mami dhe Babi, sidomos nëse kanë të bëjnë me fëmijën e tyre të parë, mund të vendosen në panik, por kjo është shumë e gabuar.  Ajo që duhet të dimë është se bletët, kur pickojnë njerëzit, lënë thumbin e tyre në lëkurë. Brenda tij është helmi, i cili lëshohet brenda 2-3 minutash. Helmet e bletëve mund të shkaktojnë alergji deri në një goditje anafilaktike, në rast të mbindjeshmërisë.

Së pari, nëse nxirret menjëherë thumbi ka më pak mundësi për një reagim të fortë alergjik. Si ta hiqni atë? Shmangni thyerjen e thumbit duke përdorur objekte të mprehta. Është më mirë të mos përdorni piskatore të cilat, duke mos qenë siç duhet të dezinfektuara, mund të shkaktojnë infeksion. Nëse nuk mund ta hiqni thumbin, më mirë shkoni në urgjencë ose kërkoni ndihmë nga një mjek.

Gjëja tjetër që duhet të bëni për të reduktuar dhimbjen është aplikimi i pak akulli në vendin e pickimit përreth 10 minuta. Gjithashtu mund t’i jepni pak paracetamol në varësi të peshës së të porsalindurit për të zvogëluar dhimbjen. Pastaj mund të kontaktoni pediatrin që kujdeset për fëmijën për të kërkuar këshilla se çfarë duhet të bëni dhe mundësinë e aplikimit të një kremi të përshtatshëm, gjithashtu bazuar në moshën e fëmijës. Sidoqoftë, është mirë të vëzhgoni reagimet e fëmijës për disa orë për të siguruar që ai të mos ketë një reaksion alergjik ndaj helmit të bletëve.

Reaksionet ndaj helmit të bletëve: Si ta kuptojmë dhe çfarë të bëjmë në rast të shokut anafilaktik

Foshnjat dhe fëmijët në përgjithësi mund të kenë lëkurë ose reagime të përgjithshme ndaj helmit të bletëve. Çfarë mund të jenë ato? Nga pikëpamja e lëkurës, ënjtja dhe skuqja mund të ndodhin direkt pas një pickimi.  Në këtë rast do të ishte e mjaftueshme nëse vendosni akull apo paracetamol për të qetësuar dhimbjen. Në rastin e një reaksioni alergjik, pika të kuqe mund të shfaqen në pjesë të tjera të trupit. Në këtë rast, i vogli juaj është ndoshta tepër i ndjeshëm dhe është mirë të konsultoheni me një mjek ose të shkoni në dhomën e urgjencës.

Reagimi më serioz ndaj një pickimi të insekteve sigurisht që është shoku anafilaktik, që është një reaksion inflamator që ndodh papritmas. Si ta njihni atë? Shoku anafilaktik nuk krijon shqetësim të vogël. Simptomat që mund të ndodhin janë: vështirësi në frymëmarrje, rrahje të shpejta të zemrës, ënjtje, vjellje, diarre, marrje mendsh. Në këtë rast, prindërit duhet të telefonojnë menjëherë urgjncën.

Si të parandaloni pickimet e bletëve tek të rriturit dhe tek fëmijët:

A e dini se ka gjëra që mund të bëni për të mos u pickuar nga një bletë? Për të mbrojtur fëmijët nga bletët, sidomos të porsalindurit, duhet të tregoheni të vëmendshme. Kur shihni se një bletë është afër mos lëvizni papritur por largohuni me ngadalë.

Përveç kësaj, për të parandaluar bletën që t’u afrohet fëmijëve, ju duhet të:

  • mos i vishni rroba me ngjyra të ndezura ose modele me lule, të cilat i tërheqin këto insekte;
  • shmangni përdorimin e parfumeve shumë të forta;
  • të jeni veçanërisht të kujdesshëm kur të hani jashtë, gjithmonë duke mbuluar ushqimin;
  • shmangni afrimin në koshere.

Shkurtimisht, si me çdo gjë, gjithnjë është e vërtetë se “parandalimi është më i mirë se kurimi” dhe mbajtja e bletëve larg është shumë më mirë sesa përballja me një pickim të mundshëm, veçanërisht në rastin e një të porsalinduri.

Lexo edhe: Mjaltë apo sheqer?

A do te shkoni me pushime verore kete vere?

  • Jo, nuk do te shkojme (44%, 559 Votes)559
  • Po, do t'i kalojme ne Shqiperi (27%, 339 Votes)339
  • Do te shkojme, por ende nuk e kam vendosur se ku... (18%, 236 Votes)236
  • Po, do te shkojme jashte Shqiperise (11%, 144 Votes)144

Total Voters: 1 278

Loading ... Loading ...


Për të lënë një koment ju duhet të jeni regjistruar Identifikohu



Materiale te ngjashme

Coronavirusi në sytë e fëmijëve,...

CORONAVIRUSI NË SYTË E FËMIJËVE  -Përrallëza jonë- (E përshtatshme për moshën 2-6 vjeç, të cilët bëjnë pothuajse gjithë ditën pyetje, për t’u njohur me këtë “personazh” të ri në jetën...

Emra per vajza dhe emra...

Zgjedhja e emrit të fëmijës shpesh mund të çojë në “krizë” prindërit, në kuptimin që mendojnë se tashmë e kanë vendosur dhe më pas gjithçka kthehet sërish në fillim duke...

10 këshilla klasike të prindërimit...

Mos të duket ndonjë nga këto këshilla e njohur? Komunikimi është themeli për një marrëdhënie të mirë. Bëhu një shembull i mirë për fëmijën tënd. Qëndrueshmëria është çelësi. Ne dëshirojmë...

A ndikon keq te fëmijët...

Besoje apo jo, pyetem shpesh nëse të qenurit një nënë që punon është diçka e keqe për zhvillimin e fëmijës dhe në të shumtën e rasteve, përgjigjia ime tingëllon ‘jo’!...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X