Djali im nuk do të mbajë mend kur ka parë oqeanin për herë të parë. Ai nuk do ta mbajë mend atë moment fillestar të habisë kur ndjeu ujin e ftohtë në gishtat e këmbëve, apo sa shpejt e tejkaloi frikën dhe kënaqej duke luajtur me valët e detit.

Por qëllimi im nuk është që fëmija të mbajë mend këto gjëra në memorie. Për mua, pyetjet më të mëdha janë: Si do të ndikojë kjo kohë në misionin tonë si familje? Çfarë do të mësojnë fëmijët e mi nga kjo përvojë? Dhe çfarë përjetimi pozitiv do të kenë ata në zemrat e tyre, nëse jo në kujtesë?

Mendoj se është mirë të thuhet se ne nuk bëjmë pushime me fëmijët, por udhëtime. Kur udhëtoj me fëmijët e mi, momentet e pushimit në fakt nuk janë momente ku ne pushojmë. Paketimi i sendeve na merr shumë kohë, oraret e gjumit ndryshojnë, rutinat e përditshme gjithashtu.

Por kur nisemi për udhëtim dhe shoh sytë e fëmijës tim që shkëlqejnë, ndihem shumë e lumtur.

Pushimet ishin pika e fortë e marrëdhënies me bashkëshortin tim para se të bëheshim me fëmijë, duke eksploruar vende dhe kultura nga më të ndryshmet.

Ndërsa kur u bëmë prindër, filluam të mendonim më shumë se çfarë do të kishte rëndësi për fëmijët tanë.

Tani i bëjmë pushimet ndryshe, duke filluar nga zgjimi në orën 5 të mëngjesit, kur djali jonë dëshiron të eksplorojë, shëtitjet në shtigjet më të pashkelura etj.

Edhe pse tashmë kur kthehemi nga pushimet nuk jemi të çlodhur, një gjë është e sigurt, që ne jemi të rinovuar, me energji tërësisht të reja.

Edhe nëse fëmijët janë shumë të vegjël për të kujtuar detajet, besoj se çdo përvojë e re u jep atyre një kornizë referimi që do të jetojë në të pandërgjegjshmen e tyre.

Edhe nëse kanë frikë udhëtimin me aeroplanë, unë e di se ata po mësojnë të kenë durim.

Edhe nëse janë nervozë për të provuar diçka të re, e di se po bëhen të guximshëm.

Pra, nuk mund të jenë “pushime” në kuptimin tradicional të fjalës, por kur shoh frytet e tyre në zemrat e fëmijëve të mi, e kuptoj se kjo është pjesa më e mirë e pushimeve.

Lexo edhe: A duhet t’i marrim femijet me pushime?

Sorry, there are no polls available at the moment.

')}