Astma dhe obeziteti te fëmijët janë të lidhura me njëra-tjetrën. Ky përfundim u arrit nga një studim i kryer në Spitalin e Fëmijëve të Nemours në Orlando (Florida). Sipas të dhënave të mbledhura, një nga dhjetë raste të astmës tek fëmijët mund të shmanget me një dietë të shëndetshme dhe një jetë më aktive.
Hulumtimi, i botuar në revistën mjekësore Pediatrics, përfshinte mbi 500,000 fëmijë të moshave 2 deri në 17 vjeç, duke krahasuar parametrat e fëmijëve normalë dhe atyre mbipeshë. Doli që 23 deri 27% e rasteve të reja të astmës te fëmijët do të shkaktoheshin nga pesha e tepërt. Dhe ashpërsia e simptomave të frymëmarrjes do të ishte proporcionale me nivelin e obezitetit.
Mendimi i ekspertit
Terri Finkel, autor i studimit, shpjegon: “Astma pediatrike është një nga sëmundjet më të përhapura tek fëmijët dhe ka një kosto të lartë për fëmijët dhe familjet e tyre, zvogëlimi i shfaqjes së obezitetit mund të ulë ndjeshëm peshën e astmës tek fëmijët”.
Përveç problemeve të frymëmarrjes, obeziteti në fëmijëri ndikon negativisht për sëmundje të tjera, të tilla si diabeti dhe hipertensioni. Përpjekja për të kundërshtuar këtë sëmundje duhet të jetë – sipas ekspertëve – një prioritet për të përmirësuar cilësinë e jetës.
Lexo edhe: Femijet ne fshat me pak te rrezikuar nga astma
Sorry, there are no polls available at the moment.
Për të lënë një koment ju duhet të jeni regjistruar Identifikohu