loading

Apnea e gjumit rrit rrezikun e kancerit tek grate, ja lidhja mes tumoreve dhe problemeve që shkaktojnë gërhitjen

0 0

Apnea obstruktive e gjumit (OSA) mund të rrisë rrezikun e kancerit te gratë – por jo tek burrat sipas një studimi.

Shkencëtarët grekë analizuan të dhënat nga 19,000 njerëz për të shqyrtuar nëse ka pasur një lidhje midis apneas së gjumit dhe kancerit.

Ata zbuluan se kanceri ishte më i përhapur në gratë me apnea gjumi se se tek gratë që nuk e përjetonin këtë gjendje.. Megjithatë, ky fenomen nuk ekzistonte tek meshkujt.

Miliona njerëz në mbarë botën kanë apnea gjumi, që mund të shkaktojë gërhitje.

Ekspertët thanë se zbulimet nuk duhet të alarmojnë njerëzit që gërhasin dhe paralajmëruan se nuk është hera e parë që kjo gjendje lidhet me sëmundjen e kancerit.

Ndryshimet në mënyrën e jetesës mund ta luftojnë këtë gjendje që shpesh shkaktohet nga mbipesha, pirja e duhanit ose pirja e alkoolit.

Apnea obstruktive e gjumit, ku rrugët e ajrit ngushtohen gjatë gjumit dhe ndërpritet frymëmarrja normale, mund të ketë një ndikim të madh në cilësinë e jetës.

Sipas studiuesve apnea mund të çojë në presion të lartë të gjakut, në goditje, sulm në zemër, ose zhvillimin e diabetit të tipit 2.

Studiuesit nga Universiteti Aristotel i Selanikut bënë studimin, duke përdorur të dhëna nga 5,789 gra dhe 13,767 burra.

Studimi vëzhgoi se sa herë vullnetarët përjetuan mbylljen e pjesshme ose të plotë të rrugëve të frymëmarrjes gjatë orëve të gjumit.

Ekspertët gjithashtu vëzhguan se sa herë gjatë natës nivelet e oksigjenit të gjakut të pjesëmarrësve ranë nën 90 përqind.

Të dhënat treguan se 388 persona – dy për qind – nga pjesëmarrësit ishin diagnostikuar me një kancer serioz.

Kjo përfshinte 160 gra, pra 2.8 përqind të grave të narra në studim dhe 228 burra, që është 1.7 përqind e të gjithë meshkujve në grup.

Shkencëtarët treguan se niveli më i ulët i oksigjenit në gjak, i shkaktuar nga kufizimi I frymëmarrjes mund të luajë rol në zhvillimin e kancerit.

Hulumtuesit gjithashtu thanë se rezultatet nuk provojnë se nëse apnea e gjumit shkakton një rrezik të kancerit.

Profesorja Anita Simonds, konsulente e mjekësisë së rrugëve të frymëmarrjes dhe të gjumit në Royal Brompton dhe Harefield NHS Foundation Trust, ishte skeptike për studimin.

Ajo tha: “Në këtë studim prevalenca e përgjithshme e kancerit ishte e ulët në vetëm dy për qind, prandaj pacientët me apnea nuk duhet të alarmohen nga ky hulumtim”.

Burrat me apnea gjumi  kanë më shumë gjasa të jenë të përgjumur, të gërhasin ose të ndalojnë frymëmarrjen në mes të natës.

Ndërsa gratë kanë më shumë gjasa të ndihen të lodhura, kanë pagjumësi, depresion dhe dhimbje koke në mëngjes.

Lexo edhe: Aktiviteti fizik zvogelon rrezikun e kancerit te gjirit

Posted in Uncategorized

Për të lënë një koment ju duhet të jeni regjistruar Identifikohu



Materiale te ngjashme

Bebet e lindura nga operacionet...

Studimi tregoi që foshnjat e lindura në mënyrë vaginale marrin pjesën më të madhe të dozës së tyre fillestare të baktereve nga nëna e tyre, ndërsa foshnjat e lindura me...

20 Komplikimet e zakonshme pas...

Sidoqoftë, për shumë gra, problemet nuk mbarojnë këtu. Ka disa ndërlikime pas lindjes që mund të ndikojnë tek ju fizikisht, mendërisht, si dhe emocionalisht. Ky artikull do t'ju ndihmojë të...

Truri i fëmijëve zhvillohet shumë...

Përpunimi i gjuhës që lejon një korrespodencë të përsosur midis fjalës dhe objektit fillon shumë më herët sesa mendohej më parë. Ky është rezultati i një studimi të bërë nga...

Po lindte fëmijën e tretë,...

Bota e medias është tronditur ditën e sotme pas publikimit të lajmit se gazetarja e RTK-së, Ardita Sylejmani, ka ndërruar jetë. Mësohet se gazetarja ka ndërruar jetë në Budapest të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X