Nëse fëmijës tuaj i duhet të bëjë një ndërhyrje kirurgjikale, doktorët do të përdorin anestezi. Anestezia është një ilaç që përdoret për të mundësuar humbjen e plotë ose të pjesshme të ndjeshmërise për të mos ndierë dhimbje, dhe e bën fëmijën të pavetëdijshëm gjatë operacionit. Anestezia është përgjithësisht e sigurt por ka raste që mund të ketë disa komplikacione.
Shumë njerëz ndihen në ankth për anestezinë apo për vetë operacionin.
Nëse ju dhe fëmija jeni të shqetësuar përsa i përket anestezisë, ju mund të takoni anestezistin që do të mbikëqyr fëmijën tuaj dhe ta pyesni vetë në lidhje me proçesin.
Këtu janë disa gjëra që duhet ti dini nëse fëmija juaj do të bëjë një ndërhyrje kirurgjikale.
Dita përpara operacionit
Dikush nga spitali do t’ju telefonojë për të konfirmuar datën dhe t’ju japë disa udhezime që zakonisht përfshijnë mosngrënien 8 deri në 12 orë para operacionit, ndalimin e disa ilaçeve të caktuara, ndjekjen e disa rregullave të higjenës.
Ditën e operacionit
Anestezisti do të vij t’ju takoj juve dhe fëmijën tuaj dhe do të masë shenjat e tij jetësore. Do t’ju pyesë nëse fëmija ka berë më parë anestezi apo ndërhyrje kirurgjikale. Ai do t’ju pyesë dhe në lidhje me ndonjë alergji që fëmija mund të ketë dhe nëse fëmija po merr aktualisht ndonjë mjekim. Një infermiere do t’i vendosë një serum fëmijës tuaj, proçedurë standarte për të mbajtur trupin e hidratuar.
Në këtë moment anestezisti do t’ju shpjegojë llojin e anestezisë që do të përdorë.
Anestezia e përgjithshme
Kjo lloj anestezie të vendos në gjumë të thellë dhe nuk mund të ndieni dhimbje apo të kujtoni gjë.
Anestezia epidurale
Ose anestezia e shtyllës kurrizore e cila injektohet në shtyllën kurrizore dhe mpin pjesë të caktuara të trupit duke mundësuar mos ndierjen e dhimbjeve. Ju do të jeni zgjuar gjatë proçedurës nëse përdoret kjo lloj anestezie.
Pas operacionit
Fëmija do të rikthehet në dhomë ku do të monitorohen shenjat jetësore teksa i del anestezia dhe fillon të zgjohet. Në këtë kohë ju do të lejoheni ta vizitoni atë dhe dikush nga stafi i spitalit do t’ju tregojë se si të kujdeseni për të kur të ktheheni në shtëpi.
Lexoni dhe: Medikamentet qe mund te perdorni tek femija, ne cdo moshe
')}
Për të lënë një koment ju duhet të jeni regjistruar Identifikohu