Rreziku që u vjen fëmijëve nga përdorimi i internetit nuk lidhet vetëm me pasojat psikologjike dhe fizike që ata do të kenë.
Kjo pasi në rast se fëmijët nuk kontrollohen nga të rriturit ata mund të jenë në qendër të sulmeve nga pedofilë të ndryshëm. Alarmi është dhënë nga policia e shtetit në Itali pas arrestimit të një 28-vjeçari, i cili u arrestua pasi iu gjetën materiale pornografike ku kishte dhe fëmijë. Pedofili në fjalë hynte nëpër faqe të ndryshme dhe joshte të miturit duke ju kërkuar dhe numrat e telefonit.
Policia u bëri apel familjarëve duke u kërkuar të mos i lenë kurrë fëmijët vetëm para internetit, pasi edhe video lojërat mund të bëhen një kanal komunikimi me këta pedofilë.
I riu pasi kishte fituar miqësinë e vogëlushëve u mori atyre numrat e telefonit dhe u kërkoi më pas foto dhe video ku të dilnin të zhveshur. Në këmbim, ai u siguroi rimbushje për të blerë përditësimet e lojës.
Gjithë hetimi filloi pas ankesave të nënave të dy dhjetëvjeçarëve. Gratë e kuptuan se fëmijët e tyre kishin biseduar me këtë person fillimisht në internet e më pas në celular.
Në faqen e saj të internetit, Policia italiane ka botuar disa këshilla për prindërit lidhur me sjelljet e që duhen ndjekur për të shmangur abuzimet apo ngacmimet.
Rastet kur duhet t’i kushtoni vëmendje:
– Papritmas fëmija / adoleshenti ndryshon sjellje me përdorimin e telefonit apo kompjuterit;
– largohet dhe shfaqet sa herë që merr ose bën një telefonatë;
– është shumë i shqetësuar dhe nuk pranon të ju lejojë të shihni telefonin e tij;
– ai konsumon kredinë e telefonit celular shumë shpejt pa shpjegime;
-ndryshon ritmet e gjumit (fle shumë, fle pak, ka ankthe).
Lexoni edhe: Si te mbrosh femijet nga rreziqet e internetit
Për të lënë një koment ju duhet të jeni regjistruar Identifikohu