Aktorja e njohur e Game of Thrones Gemma Whelan, përveç episodit të radhës ka tërhequr vëmendjen përmes një fotoje në Instagram ku duket duke ushqyer fëmijën e saj me gji, në mes të xhirimeve.

“Luftëtare agresive, nënë e dashur”.

Kështu është cilësuar në rrjet fotoja e ëmbël e aktores, e cila ka thënë se kjo është jeta e saj reale në mes të sheshxhirimit.

Ajo e ka lindur vajzën në tetor të vitit 2017.

Fansat e kanë mbështetur shumë për këtë gjest, duke e falënderuar në komente që po ndihmon në normalizimin e çështjes së ushqyerjes me gji, e cila ende hap shumë diskutime në shoqëri.

Kjo nuk është hera e parë që aktorja bën postim që ka lidhje me gjidhënien. Më herët ajo postoi një foto të ngjashme ku shkruajti se vajza e saj është shumë e madhe por ende e do shumë gjirin e mamit.

Lexo edhe: Senatorja ushqen femijen me gji ne parlament/ FOTO