Ju mund t’i jepni suplemente të vajit të peshkut fëmijës suaj, por nëse ha të paktën njëherë në javë peshk, kjo nuk do të jetë e nevojshme. Peshku është burim i mirë i acideve yndyrore esenciale omega-3.

Është më mirë që fëmija juaj të hajë peshk në vend të suplementeve, nëse është e mundur. Kjo, për shkak se peshku përmban edhe vitamina dhe minerale të tjera të rëndësishme që janë të mira për të.

Salmoni, skumbri, trofta, sardelja dhe toni i freskët janë të pasur me lëndët ushqyese për të cilat ka nevojë fëmija juaj. Eksperimentoni me receta të ndryshme për të gjetur më të preferuarat e familjes.

Ju gjithashtu mund t’i jepni fëmijës suaj ton të konservuar, por mbani mend se shumica e yndyrave esenciale hiqen gjatë procesit të konservimit.

Nëse fëmija juaj po rritet si një vegjetarian ose vegan, ju mund të gjeni omega 3 në vajra të ndryshëm si vaji i sojës, i arrës e ullirit. Ndërsa vajra të tjerë si ai i lulediellit nuk përmbajnë shumë omega 3.

Kur përdorni suplemente të vajit të peshkut, ndiqni këto këshilla të rëndësishme:

• Kontrolloni dozën në pako dhe mos i jepni fëmijës tuaj më shumë se sasia e rekomanduar, sepse mund t’i shkaktoni dhimbje barku ose diarre.
• Suplementet në trajtë lëngu janë më të përshtatshme për fëmijët mbi dy vjeç.
• Jepjani suplementin njëkohësisht me ushqimin.
• Filloni me doza të vogla, derisa të arrini tek doza e rekomanduar.
• Nëse fëmija nuk i pëlqen, provoni t’ja përzieni me qumësht.

Yndyrat esenciale ndihmojnë në zhvillimin e trurit dhe shikimit të fëmijës suaj, kështu që ato janë një pjesë e rëndësishme e dietës, pavarësisht nëse i merr përmes ushqimit ose suplementeve. Omega-3 mund të përmirësojë gjithashtu aftësitë e inteligjencës, kujtesës, koordinimit dhe përqëndrimit.

Lexo edhe: A mund te perdorim vaj peshku gjate gjidhenies?

Sorry, there are no polls available at the moment.

')}