Ne të gjitha e kemi provuar një gjendje të tillë kur mund të kemi harruar marrjen e një pilule. Dhe me siguri mendja mund të na ketë shkuar për ta kompensuar atë që kemi harruar të pimë, duke dyfishuar dozën.

Por çfarë duhet të bëni nëse keni harruar njëherë të merrni pilulën? Ja pyetjet më të zakonshme që bëjnë nënat:

A mund të mbetem shtatzënë nëse kam harruar të marr pilulën kontraceptive?

Pilula është aq efektive sa trupi ynë “i bindet”, Pra thuhet se ajo është 99% efektive vetëm në qoftë se merret në mënyrë korrekte, pra në të njëjtën orë në çdo ditë të muajit.

Efektiviteti i pilulës suaj vazhdon edhe nëse e humbët një dozë pa dashje. Ajo rrit rrezikun e shtatzënisë në varësi të disa gjërave të ndryshme:

• Kur e keni ciklin tuaj
• Çfarë lloj kontraceptivi po merrni

Nëse nuk e dini këtë të fundit shikoni paketën. Nëse të gjitha tabletat janë të njëjta, me siguri po merrni progestin. Nëse pilulat janë me ngjyra të ndryshme për një javë, ju keni marrë ato që kombinojnë kontrollin e shtatzënisë së mundshme.

Nëse jeni duke marrë pilula të kombinuara kontraceptive…

Nëse pilula juaj është e llojit që përmban progestin dhe estrogjen (ajo që shumica e grave marrin), “ju jeni në rrezik më të madh [të shtatzënisë së padëshiruar] nëse keni humbur një pilulë në javën e parë të një pakete të re dhe keni pasur marrëdhënie seksuale në pesë ditët e fundit.

Nëse jeni duke marrë pilula vetëm me progestin…

Nëse merrni kontraceptivë vetëm me progestin, dhe ju jeni më shumë se tre orë në vonesë për pirjen e pilulës, mund të mbeteni shtatzënë.

A duhet të përdor kontraceptivë rezervë ose emergjentë?

Nëse jeni duke marrë pilula të kombinuara kontraceptive…

Meqë kombinimi i kontraceptivëve oralë parandalon ovulimin, ju nuk keni domosdoshmërisht nevojë për  kontraceptivw emergjentw nëse nuk keni harruar të pini më shumë se një pilulë. Nëse keni harruar një pilulë gjatë ciklit tuaj të fundit ose në ciklin tuaj të tanishëm dhe keni pasur marrëdhënie seksuale të pambrojtur, mund të merrni kontracepsion urgjent.

Nëse nuk keni pasur marrëdhënie seksuale, por keni harruar më shumë se një pilulë (përsëri, gjatë këtij cikli ose midis këtij cikli dhe atij të fundit), përdorni kondom kur të kryeni marrëdhënie seksuale.

Vazhdoni të përdorni mbrojtje shtesë deri sa të keni marrë shtatë pilula rresht. Ose mos bëni seks deri atëherë.

Nëse jeni duke marrë pilula vetëm me progestin…

Nëse merrni kontraceptivë vetëm me progestin dhe kanë kaluar më shumë se tre orë nga ora kur duhet ta kishit pirë, përdorni kondom derisa të keni marrë pilulën në kohë për dy ditë rresht.

Nëse keni pasur marrëdhënie seksuale pasi keni harruar të pini pilulën tuaj, mund të merrni një kontraceptiv emergjent.

A mund të dyfishoj dozën dhe a ka ndonjë efekt anësor nëse e bëj?

Sapo të kuptoni se keni harruar të pini pilulën që duhet ta merrnit rregullisht, pijeni atë menjëherë. Pastaj, merrni pilulën tuaj të ardhshme si zakonisht.

Efekti më i zakonshëm i dyfishimit është se do të keni të përziera, për shkak të nivelit të lartë të hormoneve. Disa gra mendojnë se marrja e pilulës së tyre pasi kanë ngrënë një vakt ushqimor e zvogëlon këtë rrezik.

Si mund të kujtohem që ta marr rregullisht kontraceptivin oral?

Marrja e kontraceptivit oral rekomandohet të merret çdo ditë në momentin kur të keni përfunduar një detyrë të përditshme, siç është pastrimi i dhëmbëve në darkë. Gjithashtu mund të vendosni një alarm në telefonin tuaj, ose të përdorni një aplikacion.

Dhe nëse harroni në mënyrë të përsëritur kontraceptivin oral, merrni në konsideratë një mënyrë tjetër kontracepsioni. Pasi marrja e çrregullt e pilulave kontraceptive mund të bëjë që të keni një çrregullim hormonal. Bisedoni me mjekun dhe ai do të thotë se cila është zgjidhja më e mirë për ju.

Lexo edhe: A eshte normale gjakderdhja pas rifillimit te kontraceptiveve?

Sorry, there are no polls available at the moment.