E konsideroj veten me fat që kam qenë në gjendje të ushqeja me gji të tre fëmijët e mi, për një periudhë të konsiderueshme kohe, sepse vërtet ushqyerja me gji nuk është diçka e lehtë. Me fëmijën e parë ishte pak e vështirë, sepse ishte gjithmonë i uritur dhe unë vazhdimisht shikoja orën për të parë nëse duhej ta ushqeja apo jo. Me fëmijën e dytë ky rrugëtim ishte më i thjeshtë. Me dy fëmijët e parë gjidhënia ka zgjatur 14 muaj, ndërsa me fëmijën e tretë ndërprerja e gjirit ka dashur më shumë kohë, derisa ai bëri 3 vjeç.

Megjithatë, kur kujtoj periudhën që i ushqeja, ka disa gjëra që më mungojnë:

1. Çastet e qetësimit të fëmijës

Kur ushqeja fëmijët me gji, nuk shqetësohesha kurrë nëse më duhej të udhëtoja me avion, të shkoja në kinema apo kudo tjetër, sepse unë përdorja “sekretin magjik” për të qëtësuar fëmijën. Sa herë që qante, dija si ta qetësoja.

2. Koha e qetësisë

Kur ushqen fëmijën me gji, gjithë dita por edhe nata, ndërpriten çdo 3-4 orë për të ushqyer bebin. Sado e lodhshme të jetë kjo, për mua ishin momentet që kishin prioritet dhe më bënin të harroja çdo gjë tjetër. Gjatë kohës që fëmijët pinin, unë mendoja për ta, për veten dhe ishin momente të qetë reflektimi.

3. Vështrimi i adhurueshëm

Asgjë nuk mund të krahasohet me shikimin që të jep fëmija ndërsa e ushqen me gji. Lëkura e tij, sytë dhe frymëmarrja ritmike shtojnë magjinë e këtij momenti.

4. Strukja e secilit nga fëmijët

I kam çmuar këto momente që kur u bëra me dy fëmijë e më pas me 3. Ndërkohë që ushqeja njërin, tjetri vinte e kapej pas meje, ose bashkëshorti kujdesej për të.

5. Më pak pastrim

Kur i jep fëmijës qumësht gjiri, nuk duhet të lash biberonin, ta sterilizosh, ta mbushësh me ujë të nxehtë etj. Ose kur nisesh në udhëtime nuk duhet të shqetësoheni për të bërë gati gjithçka që ju duhet për dhënien e qumështit.

6. Mbajtja e peshës konstante

Nuk është sekret që ushqyerja me gji djeg kalori. Gjatë një dite që i jepni për të pirë fëmijës ju humbisni 300-500 kalori. Kjo bën që pavarsisht sesa hani, në një farë mënyre jeni të mbrojtura nga kilet e tepërta.

7. Gjiri

Kur gjiri është i mbushur me qumësht, ai rri i plotë dhe i bukur. Në rastin tim konkret, kur kam ndërpreë gjidhënien, gjoksi im ka humbur formën dhe rrumbullakësinë.

Lexo edhe: Ushqyerja me gji pas moshes 40-vjecare

Sorry, there are no polls available at the moment.

')}