Sa më gjatë që foshnjat të ushqehen me gji nga nënat e tyre, aq më inteligjente janë. Këtu do të lexoni disa përfitime nga ushqyerja me gji… Dihet tani që një fëmijë që ushqehet me gji është më rezistent nga sëmundjet se sa një fëmijë që ushqehet me qumësht formulë. Por sigurisht që edhe ushqyerja me gji nuk zgjat pafundësisht, e ka një moshë të cakuar. Në muajt e parë ushqyerja me gji nuk ndihmon vetëm nga ana fizike, por edhe mendore e foshnjës.

Ndër të tjera zhvillimi mendor ndikohet nga lloji i qumështit të marrë.

Të paktën ky është përfundimi i arritur nga një grup i studiuesve braziliane në “Universidade Federal de Pelotas”, në një studim të publikuar në revistën prestigjioze shkencore The Lancet. Studimi përfshinte 3.500 të sapolindur. Të gjithë janë ndjekur për disa vite. Studiuesit i kërkuan mamave të tyre të tregonin nëse i kishin ushqyer me gji, apo me qumësht formulë dhe për sa kohë.  Pasi fëmijët ishin rritur, ata i testuan. Qëllimi ishte të kuptohej nëse kishte ndonjë lidhje mes llojit të qumështit që ata konsumuan dhe çfarë lidhje ka kjo gjë me shëndetin mendor.

Rezultati

Nga analiza e rezultateve, u konstatua se ushqyerja me gji ka një ndikim pozitiv në inteligjencën e tyre. Në fakt, foshnjat e ushqyera nga nëna me gji kishin rezultate më të larta në shëndetin e tyre mendor. Kjo pavarësisht nga statusi social që kishte nëna dhe niveli i arsimit. Në fakt, studimi përfshinte familje me nivele të ndryshme ekonomike dhe sociale.

Më mirë ta ushqej për më shumë se gjashtë muaj

Jo vetëm këtë. Është treguar se sa më gjatë të vazhdojë ushqyerja me gji aq më të dukshme do të ishin përfitimet. Fëmijët që ishin ushqyer më gji kishin një qëndrueshmëri më të madhe në shkollë dhe rezultate më të mira. Për këtë arsye, studuesit rekomandojnë për të shtyrë më shumë se gjashtë muaj ushqyerjen me gji.

Përmirësimi i zhvillimit të neuroneve

Arsyet pse qumështi i nënës është aq i çmuar për mendjen nuk është ende i qartë. Ekspertët supozojnë se është për shkak të pranisë së acideve yndyrore të cilat janë elemente thelbësore për zhvillimin e neuroneve. Ndër të tjera Organizata Botërore e Shëndetësisë dhe ekspertë të njohur në fushën e nënave këshillojnë që tu japin fëmijëve qumësht gjiri për të paktën gjashtë muajt e parë të jetës.  Pastaj, është mirë që gradualisht t’i prezantojnë ata me ushqime të tjera.  Por nëse është e mundur ata duhet të ushqehen me gji deri në vitin  e parë të jetës por edhe më tej.

Lexo edhe: Ushqyerja me gji gjate nates, perfitimet per nenen dhe beben

Sorry, there are no polls available at the moment.

')}