Përgatituni një natë më parë
Përgatitni çfarë të mundni një natë më parë, nga bërja gati e drekës për të nesërmen tek rrobat që do të vishni. Këshillohet të lini artikujt e nevojshëm në vende të dukshme (përpara syve) ose të mbani shënime me letra që t’i ngjisni diku ku mund t’i shikoni. Kontrollimi i motit dhe i aktiviteteve të planifikuara do t’ju ndihmojnë për t’u ndjerë më të përgatitur.
Mos e shtyni alarmin
Shtyrja e alarmit prish gjumin e pandërprerë, cilësor; prandaj zgjohuni sapo bie alarmi. Trupi juaj përjeton një nxitje të kortizolit pas shtyrjes së çdo alarmi. Nëse e keni të vështirë këtë pjesë, lëreni alarmin larg, kështu që duhet të ecni për ta fikur atë.
Shmangni rrëmujën
Ekspertët thonë t’i vendosni gjërat në vendet e caktuara gjithmonë që të mos vonoheni duke i kërkuar në mëngjes.
Bëjeni mëngjesin që në darkë
Kuzhina është qendra e shtëpisë. Nëse ajo i ka gjërat në vendin e duhur dhe mbi të gjitha një pjesë e keni gati, atëherë gjithçka shkon më mirë.
Pushoni disa minuta
Shumë prej nesh bëjnë gabimin të marrin menjëherë në dorë telefonin. Përkundrazi, ekspertët inkurajojnë fillimin e ditës së paku pesë minuta larg tij, mbase duke pirë pak çaj në paqe.
Lexo edhe: 4 Gjërat më të mira për rutinën tuaj të mëngjesit
Për të lënë një koment ju duhet të jeni regjistruar Identifikohu