Të sjellësh në jetë një fëmijë është diçka shumë e bukur, por momenti i lindjes është tepër i vështirë. Të jesh pranë një gruaje që është duke lindur mund të jetë një eksperiencë pozitive ose negative (varet nga këndvështrimi juaj), megjithatë është e paharrueshme. Përsa i përket kësaj eksperience ka disa gjëra që nuk duhet t’ja thoni në asnjë moment gruas shtatzanë.
 Nuk do të zgjasë shumë. Ju ndoshta do ta thoni me një qëllim të vetëm: ta bëni gruan të ndihet më e qetë dhe e sigurt, megjithatë ajo nuk do t’ju besojë aspak. Ajo e di shumë mirë që kohëzgjatja është diçka që asnjë nga ju nuk e përcakton dot.
 Një mikja ime ka lindur…asaj nuk i intereson aspak kjo. Nëse do t’i tregoni se lindja e saj ka zgjatur pak do ta bëni të mendojë pse e veta po zgjat kaq, nëse do t’i tregoni se mikja juaj ka qënë me dhimbje për ditë të tëra do ta bëni të ndiejë edhe më tepër ankth. Proçesi i lindjes është i ndryshëm për gra të ndryshme.
 Unë kam vepruar kështu…jo vetëm në momentin e lindjes, por gjatë gjithë shtatzanisë ajo do të dëgjojë shprehje të tilla, të cilat përveçse konfuzionit nuk do t’i sjellin asgjë pozitive.
 Mos i krahasoni dhimbjet me të tjera. Babi! Mos i thuaj nënës se e keni ndier një dhimbje kaq të madhe kur keni thyer apo ndrydhur këmbën. Të jeni i sigurt se nuk ka qënë aspak kështu.
 Ke frikë? Sigurisht që ka dhe nëse do t’i bëni një pyetje të tillë do t’i shtoni edhe më tepër ankthin.

Lexoni edhe: Te pavertetat e lindjes me operacion