Fëmija juaj tre vjeçar do të kalojë shumicën e kohës duke pyetur për çdo gjë që ndodh përreth tij. Ai ka shumë dëshirë të pyesë “Pse duhet të…?” dhe do t’i dëgjojë me shumë vëmendje përgjigjet tuaja, kur ato janë të thjeshta dhe kanë të bëjnë tamam me pyetjen e tij. Pyetjet “Pse?” të fëmijës tuaj mund të jenë më vështira sepse mund të ketë me qindra çdo ditë,  sepse disa nga to nuk kanë përgjigje, ose ju nuk e dini cila do të jetë e duhura. Kujdesuni që t’i merrni këto pyetje seriozisht dhe të zgjidhni sa më mirë përgjigjen. Kështu ju ndihmoni fëmijën tuaj të rrisë njohuritë e tij, shuani kuriozitetin e tij dhe e mësoni atë të mendojë më qartë.

Si do të jetë zhvillimi i tij?

Kur fëmija juaj trevjeçar përballet me sfida të veçanta mësimi, ju do të shikoni që ai arsyeton ende në mënyrë të njëanshme. Ai ende nuk mund të shohë një çështje nga të dy anët e saj, as nuk mund të zgjidhë problemet që kërkojnë që ai të shikojë më shumë se një faktor në një moment.

Në moshën tre vjeçare fëmijës i rritet aftësia e perceptimit të sensit të kohës. Ai do të dijë rutinën e ditës së tij dhe do të përpiqet të kuptojë rutinën e të tjerëve. Për shembull, ai do të presë me padurim babin që sjell qumështin çdo ditë në momentin e caktuar. Ai do të kuptojë që disa ngjarje të veçanta si festat apo ditëlindjet, ndodhin në ditë të caktuara, por edhe nëse mund t’ju thotë se sa vjeç është, ende nuk e kupton vërtet.

• Emërton saktësisht disa ngjyra.
• Kupton konceptin e numërimit dhe mund të njohë disa numra.
• I shikon problemet në mënyrë të njëanshme.
• Fillon të ketë një sens kohe më të qartë.
• Kujton pjesë të një historie.
• Kupton konceptin “e njëjtë/ e ndryshme”.
• Angazhohet në lojra fantazie. Fëmija ndërton një figurë/mozaik me pesë pjesë të ndara.
• Dallon shprehjet: “sipër”, “poshtë”, “para”, “mbrapa”.
• Numëron saktë gishtat e duarve.

Lexo edhe:

Zhvillimi i femijes

Sorry, there are no polls available at the moment.

')}