I vogli juaj po rritet shumë shpejt, ndërkohë ju po pyesni veten se sa shpejt po kalon koha. Me siguri ju e keni gjetur veten qindra herë duke lexuar këshilla ushqyese për fëmijën. Si prindër, është e rëndësishme për ne që të gjejmë dietën më të mirë për fëmijët tanë, në përputhje me nevojat e tyre zhvillimore. Derisa ushqyerja me gji është e mjaftueshme dhe e domosdoshme për të ndërtuar imunitetin e një fëmije për 6 muajt e parë, lufta fillon kur është koha për të futur ushqimet e ngurta. Me çfarë duhet t’i ushqejmë fëmijët tanë për të siguruar që sistemi i tyre imunitar të bëhet i fortë dhe të qëndrojnë të shëndetshëm?

Një mënyrë e mirë për të ndërtuar sistemin imunitar të fëmijës suaj është të kuptoni nevojat e tyre ushqyese dhe të plotësoni dietën e tyre të përditshme me ushqimet e nevojshme për zhvillimin e një sistemi të fortë imunitar. Mjekët rekomandojnë që prindërit të fillojnë të ndjekin dietën për forcimin e imunitetit në fillim të jetës, pasi kjo është koha kur fëmijët tanë janë më të ndjeshëm ndaj infeksioneve. Gjithashtu, nëse fëmijët e marrin zakonin e të ngrënit një vakt të ekuilibruar dhe të shëndetshëm që kur janë foshnja, kjo zakon do të vazhdojë edhe kur ata të rriten.

Më poshtë ju tregojmë 12 lëndë ushqyese që i vogli juaj duhet të hajë për të ndërtuar imunitetin e tij.

Vitaminat

1. Vitamina A. Vitamina A vepron si një antioksidant që në mënyrë efektive ndihmon në forcimin e sistemit imunitar të fëmijës tuaj duke e mbrojtur atë kundër infeksioneve, fruthit dhe kancerogjenëve. Ushqime të pasura me Vitaminën A përfshijnë ushqime të gjalla si karrota, patate të ëmbla, bizele dhe domate.
2. Vitamina C. Vitamina C është një lëndë ushqyese e rëndësishme antivirale dhe antikancerogjene që përdoret nga qelizat e bardha të gjakut për të luftuar infeksionet dhe inflamacionet. Ajo gjendet më së shpeshti në frutat agrume. Megjithatë, do të habiteni kur të dini se Vitamina C gjendet në të gjitha llojet e frutave dhe perimeve të freskëta! Ushqejeni fëmijën me portokall, qitro, spinaq, speca, papaja, luleshtrydhe.
3. Vitamina E. Njëlloj si vitamina C edhe Vitamina E gjithashtu ndihmon në luftimin e infeksioneve dhe është një përforcues shumë i rëndësishëm i imunitetit. Është gjithashtu një vitaminë e mirë për të ruajtur lëkurën e shëndetshme. Ju do ta gjeni Vitaminën E në arra, bajame, kikirikë dhe lajthi.
4. Folatinë / acid folik. Folate ose Folatina është forma natyrale e këtij ushqyesi, ndërsa acidi folik është forma sintetike e një lloji të vitaminës B që ndihmon në maturimin dhe shumëfishimin e qelizave të bardha të gjakut. Ky është çelësi për zhvillimin e një sistemi të fortë imunitar. Perimet e gjelbra si brokoli dhe spinaqi dhe bishtajore të thata si fasulet dhe thjerrëzat janë një burim i mirë i folatinës. Këto janë ushqime të shkëlqyera për zhvillimin e një sistemi imun të fortë në fëmijët.

Mineralet

1. Magnezi. Magnezi sistemin imunitar të fëmijës tuaj për ta mbrojtur nga sëmundjet e zemrës dhe disa lloje të kancerit! Është gjithashtu i dobishëm në balancimin e niveleve të sheqerit në gjak. Burimet më të mira të magnezit janë arra, drithërat dhe perimet me gjethe.
2. Seleni ose Selenium është një antioksidant i fuqishëm dhe anti-kancerogjen mineral që ndihmon në mbrojtjen e trupit tuaj nga një sërë sëmundjesh dhe infeksionesh. Ky mineral gjendet tek toni, elbi, arra braziliane dhe sardelet – të gjitha këto krijojnë imunitet të shkëlqyer për fëmijët.
3. Zinku. Zinku ndihmon në mbajtjen nën kontroll të inflamacionit në trupin tuaj dhe kjo ndihmon në rikthimin e imunitetit të dobësuar gjithashtu. Zinku gjendet tek disa lloje frutash deti, fasulet, kos, mishi pa dhjamë, dhe thjerrëza.
4. Bakri. Mungesa e bakrit ngadalëson aktivitetin e qelizave që luftojnë infeksionin. Bakri është thelbësor për shërimin dhe riparimin e indeve të dëmtuara. Bakri gjendet në ushqime si thjerrëzat, bajame dhe mish viçi.
5. Hekuri. Hekuri ndihmon trupin e të voglit tuaj të prodhojë energji duke transportuar oksigjen në qeliza. Mungesa e hekurit mund ta dobësojë sistemin imun në mënyrë drastike! Burime të mira të hekurit që janë nxitës të shkëlqyer të imunitetit për fëmijët përfshijnë bishtajoret, perime me gjethe etj.
6. Sulfuri plotëson shumë funksione për t’ju ndihmuar të mbani një sistem të shëndetshëm imun. Ai ndihmon në pastrimin e trupit tuaj nga toksinat, dhe së bashku me Vitamina C, ndihmon në zhvillimin e qelizave të shëndetshme. Sulfuri gjithashtu ndihmon në reduktimin e reaksioneve alergjike dhe infeksioneve parazitare. Sulfuri gjendet në perimet si brokoli, lulelakra etj, fruta të thata, vezë dhe bishtajore.

Ushqyes të tjerë që forcojnë imunitetin

1. Proteinat. Konsumimi i duhur i proteinave është thelbësor në ruajtjen e sistemit imunitar të trupit tuaj. Proteinat kategorizohen me rëndësi në antitrupa, enzima etj, dhe ndihmojnë trupin tuaj të luftojë grimcat e huaja dhe të rregullojë sistemin imunitar. Mishi, vezët, arrat dhe farat janë burime të shkëlqyera të proteinave.
2. Acidet yndyrore thelbësore ose yndyrnat e mira. Këto acide në përgjithësi përmenden kur flasim për obezitetin dhe një trup të shëndoshë. Megjithatë, në përpjekje për të mos konsumuar acidet jo-esenciale yndyrore ne përfundojmë duke mos marrë acidet yndyrore esenciale ose yndyrnat e mira që janë jashtëzakonisht të rëndësishme. Vaji i lirit, vaji i farave të kërpit dhe vaji i peshkut janë burime të mira të acideve yndyrore esenciale dhe janë të shkëlqyeshme për të rritur imunitetin tek fëmijët.

Tani që i dini ushqyesit më të mirë për të zhvilluar imunitetin e fëmijës suaj, filloni duke i përfshirë ato në ushqimet e përditshme. I vogli juaj do të jetë në gjendje të qëndrojë i sigurt nga infeksionet, mikrobet dhe sëmundjet.

Lexo edhe: Jeni anemike? Ja 15 ushqimet qe duhet te konsumoni