Është shumë e rëndësishme që të gjithë prindërit e rinj të njihen me disa probleme psikologjike që mund të shfaqen pas ardhjes në jetë të fëmijës por edhe gjatë shtatzanisë, në mënyrë që të mund t’i trajtojnë siç duhet.

Megjithatë ka edhe disa të pavërteta në secilën prej tyre.

Të pavërtetat janë:

• Shtatzania është një periudhë tepër e lumtur. Duhet të dini se depresioni është një shqetësim që mund të shfaqet edhe në shtatzani prandaj bëni kujdes.
• Baby blues kalohen shumë kollaj. Kjo nuk është e vërtetë edhe pse janë një formë e lehtë e depresionit pas lindjes simptomat mund të përkeqësohen nëse nuk merrni mbështetjen e duhur.
• Nëse do të kem probleme me depresionin mund të largojnë fëmijën nga unë. E keni gabim! Specialistët punojnë pikërisht për të forcuar lidhjen tuaj dhe përmirësuar shëndetin mendor.
• Nëse tregoj që kam shenja të depresionit do të mendojnë që jam nënë apo baba i keq dhe që nuk e dua fëmijën, do të mendojnë që kam dështuar. Kjo nuk ka aspak lidhje me këto mendime dhe gjëja më e mirë që mund të bëni për të ecur përpara është të pranoni problemin.
• Depresioni prek vetëm disa persona të caktuar. Mund të prekë këdo pavarësisht moshës apo faktorëve të tjerë.
• Do të jem e detyruar të marr medikamente. Jo, kjo nuk ndodh nëse ushqeni me gji dhe nëse do të merrni medikamente zakonisht jepen për një periudhë të shkurtër.
• Vetëm unë ndihem në këtë mënyrë. Jo, edhe unë kështu jam ndier, e madje edhe shumë nëna të tjera, thjesht kemi kërkuar mbështetje dhe kemi pranuar që kemi një problem.
• Vetëm nënat preken nga depresioni pas lindjes. Nuk është aspak e vërtetë. Edhe babai është tepër i rrezikuar dhe zakonisht tek ai shfaqet 3-6 muaj pas lindjes (por edhe në periudhë tjetër).
• Nuk do të ndihem asnjëherë mirë. Sapo të merrni ndihmën që ju duhet do të ndiheni për mrekulli.
• Unë nuk mund të ndihmoj dikë që ka probleme me depresionin. E keni shumë gabim. Ti mund të bëhesh një ndihmë shumë e madhe për miken tuaj!

Jeni prekur nga depresioni pas lindjes? Si e keni kaluar atë?

Lexo edhe:

Sa zgjat depresioni pas lindjes?

Cilat nena jane me te rrezikuara nga depresioni pas lindjes?

 

')}