Dieta luan një rol shumë të rëndësishëm në mbarëvajtjen e shtatzanisë. Nëse përpara shtatzanisë dieta juaj nuk ka qenë ekzaktësisht e “shëndetshme” tani është momenti ideal për të ndryshuar, dhe sapo të bëni ndryshimet e duhura do të vini re se trupi juaj do të ndihet më mirë dhe do të keni më shumë energji. Sigurisht që nuk duhet të harroni se dieta juaj ndikon edhe në shëndetin dhe zhvillimin e bebit, i cili ka nevojë për një shumëllojshmëri lëndësh ushqyese.
Pa diskutim që karota është një nga ushqimet që bën pjesë në këtë dietë të shëndetshme, kjo për faktin se ajo është shumë e pasur me lëndë ushqyese të cilat mund të jenë shumë të rralla por absolutisht shumë të nevojshme për mbarëvajtjen e shtatzanisë.
Një nga mënyrat më të mira për t’i marrë këto lëndë ushqyese është nëpërmjet lëngut të karotës, pasi në këtë mënyrë trupi do ta ketë më të lehtë të përthithë apo absorbojë të gjitha këto lëndë ushqyese.
Më poshtë do të lexoni një listë me përfitimet që do të keni nga kosumimi i përditshëm i lëngut të karotës.
- Ndihmon në pastrimin e mëlçisë;
- Ndihmon në forcimin e sitemit imunitar i cili në shtatzani ka për detyrë të mbrojë jo vetëm nënën por edhe bebin.
- Ndihmon në parandalimin e problemeve në rrugët e frymëmarrjes.
- Ndihmon në mirëmbajtjen e membranave të qelizave.
- Ndihmon në zhvillimin e lëkurës, mishit dhe muskujve të rinj të bebit.
- Përmirëson presionin e gjakut.
- Karota është e pasur dhe më kalçium i cili ndihmon në formimin e kockave dhe dhëmbëve të bebit.
- Lëngu i karotës është i pasur me beta karoten i cili vepron si antioksidant që lufton radikalet e lira duke parandaluar kancerin.
- Vitamina A që gjendet në lëngun e karotës ndihmon në luftimin e infeksioneve.
- Kimikatet që gjenden në lëngun e karotës e ndihmojnë trupin të funksionojë në mënyrë optimale, duke i siguruar më shumë energji.
Lexoni dhe: Përfitimet e magnezit ne shtatzan
')}
Për të lënë një koment ju duhet të jeni regjistruar Identifikohu