Zhvillimi i fëmijëve prematurë është i tillë që i përshtatet moshës së tij reale. Pra nëse fëmija është 4 muajsh ju duhet të llogarisni moshën reale së cilës i përket zhvillimi i fëmijës.

Si ta bëni këtë? Po ju sjellim një shembull orientues:

Nëse fëmija juaj tani është 14 javësh dhe ka lindur 6 javë para terminit, atij i përket zhvillimi i një fëmije 8 javësh (14-6). Nëse fëmija juaj është 21 javësh dhe ka lindur 5 javë para terminit, mosha e tij e rregulluar është 16 javësh, dhe ju duhet t’i referoheni zhvillimit nën moshën 4 mujore. Në moshën 2 vjeçare ju nuk keni më nevojë të llogarisni moshën e fëmijës pasi zhvillimi i tij ec në mënyrë normale.

Fëmija 6 muajsh

Zhvillimi motorik

• E vendos peshën tek këmbët kur e mbani në këmbë;
• Ulet vetë;
• I mban dhe i tund sendet;
• I kalon sendet nga një dorë tek tjetra;
• Mban dy objekte njëkohësisht në secilën dorë;
• Rrotullohet nga barku në shpinë dhe anasjelltas.

Zhvillimi gjuhësor

• Nëse e thërrisni në emër reagon duke u kthyer drejt jush;
• Belbëzon.

Aktivitetet që bën

• I kishton rëndësi lojërave që mund të zhvillojë (për shembull si të prodhojë tinguj;
• I ndjek me sy objektet që i janë larguar nga pamja.

Zhvillimi social dhe emocional

• Vëren se kur prindërit janë apo nuk janë të pranishëm;
• Reagon ndryshe ndaj personave të panjohur;
• Shpreh lumturi, trishtim, eksitim në rast se diçka i pëlqen.

Lexoni edhe: Femijet premature, zhvillimi ne muajin e dyte