Ditën e djeshme, të gjithë u gëzuan nga lajmi se aktori i njohur i humorit dhe kryebashkiaku i Kolonjës Erion Isaj mirëpriti në jetë fëmijën e tij të dytë.

Bashkëshortja e tij solli në jetë vajzën e dytë të çiftit, për të cilën zgjodhën një emër shumë të veçantë E’dua.

Lajmin e ka bërë të ditur vetë aktori përmes një fotoje që e ka shoqëruar me këtë shkrim:“U bëmë 4. Faleminderit Zot! . Erdhi tek ne vajza e dytë. Quhet: E’dua. Përulem para Zotit për bekimin më të madh që më ka dhënë! Nga sot, shërbëtor i 3 princeshave”.

Por, si e gjeti çifti këtë emër për vogëlushen? Në një interviste në emisionin “Abc-ja e pasdites”, aktori Erion Isaj u shpreh:“Erdhi nga halli, si me thënë, sepse na pëlqente Dua, por ky ishte një emër shumë i përhapur. Mamaja e bashkëshortes ime propozoi E’dua. Ne e vendosëm edhe apostrofën për t’i dhënë ndarjen fjalës, për të  krijuar një fjalë shqip. Ne jemi partizanë të gjuhës shqipe për ta trashguar atë, është një lloj krenarie gjuha shqipe, nuk na pëlqen ideja e emrave të huaj”.