Pak ditë më parë, Zaimina Vasjari ka festuar ditëlindjen e parë të vajzës së saj Khloe, por gjatë një interviste ditën e djeshme është kthyer pas në kohë duke kujtuar momentet e shtatzanisë dhe të lindjes.

E pyetur së pari për gjininë e bebit, Zaimina tregon se është gëzuar shumë kur mësoi se priste një vajzë, ndërsa bashkëshorti i përgatitur për djalë është zhgënjyer disi.

“Klodi ishte i bindur që do të bëheshim prindër të një djali dhe ua kishte thënë të gjithëve. Kur takoja rastësisht shokë të tij më thoshin urime për djalin. Habitesha sepse atëherë nuk e dinim as vetë gjininë”,- tregon Zaimina.

Ajo thotë se është ndjekur gjatë shtatzanisë nga një mjek turk dhe ka bërë lindje cezariane. Ky është një peng i saji, sepse do të donte të përjetonte momentet e para të ardhjes në jetë të së bijës, t’i dëgjonte të qarën e parë, por  nuk mundi. Megjithatë ajo thotë se mban mend shumë mirë se në momentin e parë që ka hapur sytë, moment që edhe është filmuar, ka thënë “Dua vajzën”!

“Kur e pashë, me zytë e saj në ngjyrë të hapur thashë ky është fëmija më i bukur në botë. Ajo u mbështet në gjoksin tim, kërkonte të pinte. Kontakti trup me trup krijoi lidhjen më të ngushtë me ne. Nga kjo ndjesi pastaj u bëra ashumë selektive. Kur më sugjeronin mami të mira, nuk pranoja doja të bëja çdo gjë vetë”.

Përsa i përket zgjerimit të familjes Zaimina është shprehur se i do shumë fëmijët dhe do të tentojnë për të pasur edhe një djalë.

“Jam penduar që nuk jam bërë nënë më parë. Jam treguar egoiste, kisha frikë nga ndryshimi, por tani e kuptova se Khloe është ndryshimi më i bukur i jetës sime”.