Festa e 8 Marsit, përveç organizimeve të shumta të grave me njëra-tjetrën, me shoqet e koleget, përveç dhuratave për nënën, motrën, shoqen, vjehrrën etj në epokën tonë shoqërohet edhe me shumë postime në rrjete sociale, ku gjejmë një mënyrë për të shprehur veten, si në një ditar që është i lexueshëm nga të gjtihë ata që na ndjekin.

Këngëtarja Xhensila Myrtezaj ka zgjedhur këtë mënyrë për t’i uruar ditën e gruas nënës së saj dhe nënës së bashkëshortit, aktorit të humorit Besart Kallaku.

Në një postim me disa foto në Instagram, ajo ka shkruar fjalë të bukura për nënën e vjehrrën.

E veçanta e këtij urimi, gjë që Xhensila e ka shprehur edhe në shkrim është fakti se ajo për herë të parë e uron nënën, duke qenë vetë në statusin e saj, duke qenë vetë nëna e një vajze.
“Mam, te kam uruar gjithmone per 8-Marsin. Por nuk e kam pasur ndjesine kurre sa sot. Te jesh Nene, e shenjte si ty, si ju. Mam, urime shpirt, dhimbja dhe loti im. Krahet dhe perqafimi im, preheri im dhe supi ku jam mbeshtetur per here te pare. Faleminderit Mam, per gjithcka. Faleminderit Mami i Besit, Shpresa, me dhe djalin dhe ngrohtesine qe kisha shpresuar gjithe jeten. Perqafime dhe gezuar per te gjitha nenat”, – ka shkruar këngëtarja.