Edhe pse është ndër këngëtaret më të preferuara të publikut, për jetën e Xhensila Myrtezajt gjithmonë kemi ditur fare pak, pasi ajo e ruan me fanatizëm këtë pjesë.

Pak herë kemi para foto të sajat me të ëmën ose motrën, ndërsa foton e të atit e ka publikuar vetëm njëherë. Bëhet fjalë për periudhën kur Xhensila ka qenë në barkun e mamit.

Mirëpo, në emisionin “Në kurthin e Piter Pan” , këngëtarja ka folur për herë të parë për babain.

Njëri prej fëmijëve e ka pyetur se çfarë roli ka patur nëna në jetën e Xhensilës, duke qenë se ajo është rritur pa të atin, për shkak të divorcit shumë të hershëm të prindërve të saj.

Këngëtarja rrëfeu se ajo ka qenë edhe nënë, edhe baba për të, duke shtuar se  rëndësi ka që secili prej tyre të jetë i lumtur.

“Mami ka qenë gjithnjë pjesë e jetës sime dhe ka qenë për mua edhe nënë, edhe baba. Gjithsesi për mua rëndësi ka që ata të jenë të lumtur. Padyshim edhe babain e dua shumë.”

VIDEO