Shëndeti i nënës dhe fëmijës është shumë i rëndësishëm dhe për këtë arsye duhet të ndiqen rregullat e duhura për një ushqyerje të mirë. Duke qënë se tani jemi në sezonin e misrave, duhet të dini se konsumimi i tyre do të kishte efekte pozitive tek ju dhe fëmija.
Përse misrat janë kaq të vlefshëm?
Sepse janë shumë të pasur me acid folik, hekur dhe kripëra minerale që ndihmojnë në shëndetin e mirë të nënës dhe fëmijës, janë lehtësisht të tretshëm dhe mund të konsumohen në mënyra të ndryshme.
Mund të na bëjë të shtojmë peshë?
Misri është një drith shumë i varfër përsa i përket kalorive dhe yndyrnave, prandaj nuk do të ndikojë në shtimin e madh në peshë, por do ta bëjë vaktin tuaj të ekuilibruar. Duhet ta pastroni shumë mirë pasi mund të infektoheni nga toksoplazmoza, pra ekziston rreziku ashtu si tek të gjitha perimet e tjera. Është shumë e rëndësishme të konsumohen që në fillimet e shtatzanisë pasi acidi folik ka rëndësi tepër të madhe. Nga ana tjetër, të vjellat mund ta dobësojnë së tepërmi organizmin tuaj dhe kripërat minerale dhe hekuri do t’ju ndihmonin të ndiheshit më mirë.
Si ta konsumojmë?
Në sallata, supera por edhe të shoqëruar me fruta. Idealja do të ishte misri i zier.
Për të lënë një koment ju duhet të jeni regjistruar Identifikohu