Makaronat janë një ushqim që duhet të futen në dietën e fëmijës tuaj duke filluar nga muaji i 8, por nëse fëmija është alergjik ndaj grurit futja në dietën e tij duhet të bëhet shumë më vonë. Nëse fëmija juaj deri tani nuk ka pasur shqetësime pasi ka ngrënë prodhime tërshëre apo gruri do të thotë që nuk është alergjik ndaj glutenit (proteinë). Megjithatë duhet të merrni edhe këshillën e pediatrit para prezantimit të një ushqimi të ri tek fëmija juaj.

Vlerat e makaronave për fëmijën

Ato janë të pasura me vitamina dhe minerale, prandaj duhet të kujdeseni të gjeni produktin e duhur për fëmijën tuaj. Pra të blini një pako makaronash të cilat do të jenë të përshtatshme për moshën që fëmija ka. Ato janë të pasura me karbohidrate të cilat e furnizojnë trupin me energji.
Përmbajnë hekur, magnez, fosfor, kalium, zink, mangan etj. Si edhe vitaminat B6, B12, A etj.

Si të zgjedhim produktin e duhur?

Përpiquni të blini një produkt BIO, gjithmonë nëse keni mundësi. Merrni në konsideratë gjithashtu edhe produktet e bebeve që janë të mundësuara nga firma të ndryshme. makaronat e pagatuara në përgjithësi kanë jetëgjatësi, megjithatë për t’i mbrojtur më shumë mund t’i fusni brenda një kavanozi prej qelqi.
Mund t’i gatuani për të bërë një vakt të plotë me lëng mishi dhe perime.

Lexoni edhe: Si te gatuajme makarona per bebet?