Gjidhënia është një nga fazat më të bukura të mëmësisë, e cila shërben jo vetëm për të plotësuar gjithë nevojat fizike të fëmijës, por forcon lidhjen e tij me nënën. I fal të voglit sigurinë se ka një vend ku mund të mbështetet sa herë ka nevojë, se është gjithmonë dikush me emrin nënë që s’do ta lërë kurrë vetëm.

Si një praktikë me kaq shumë përfitime për fëmijën në rritje, të gjithë si shoqëri duhet ta mbështesim gjidhënien e të përpiqemi të lehtësojmë sa më shumë nënat që kanë zgjedhur këtë mënyrë për të ushqyer fëmijët e tyre.

Një shembull i tillë, ku nënat mbështeten, madje ndihmohen që të realizojnë “misionin  e tyre na vjen nga restoranti “Mrizi i Zanave”, ku stafi është treguar shumë mirëkuptues me një nga punonjëset e cila ende ushqen me gji djalin e saj.

“Puna në restorant është e vështirë, është sakrificë dhe kush punon në këtë sektor e di shumë mirë! Babi Leka sjell çdo ditë në ora 18:00 Lukasin e vogël tek Viktorja, pjesë e stafit tonë të kuzhinës. Respekt për nënat luanesha që sakrifikojnë për familjen 🙏”