Instinkti i nënës fillon para se fëmija të lindë. Në fakt, hulumtimet e reja të botuara në revistën “Raportet Shkencore” thonë se një grua i nënshtrohet ndryshimeve të rëndësishme mendore dhe fizike gjatë tremujorit të tretë.

Studimi në mënyrë specifike analizoi nevojën e grave shtatzëna për hapësirën peripersonale, zonën më të afërt që rrethon trupin tonë. Zakonisht i referohemi si “hapësirë personale” ose një “flluskë sigurie”, është zona ku ndodh shumica e bashkëveprimeve dhe zakonisht brenda gjatësisë së krahut të një personi tjetër.

Shkencëtarët përdorën një test për të matur kufijtë e hapësirës peripersonale gjatë shtatzanisë. Ata testuan gratë që nuk ishin shtatëzëna, si dhe gratë në tremujorin e dytë të tyre, kur barku fillon të rritet, tremujori i tretë kur është qartë i dukshëm dhe gratë që ishin tetë javë pas lindjes.

Ata gjetën se ndjenja e hapësirës personale të një gruaje shtatzënë zgjerohet gjatë tremujorit të tretë të shtatzënisë. Asnjë ndryshim nuk është vërejtur në fazat e hershme të shtatzënisë ose pas lindjes, kur barku është zakonisht më i krahasueshëm me atë të dikujt që nuk është shtatzënë.

“Rezultatet tona sugjerojnë se kur trupi i nënshtrohet ndryshimeve dukshëm të mëdha, në fazën kur barku zgjerohet qartë, truri i nënës gjithashtu fillon të bëjë rregullime në hapësirën që menjëherë rrethon trupin”, shpjegon autorja kryesore Dr. Flavia Cardini, lektore e lartë në psikologji në Universitetin Anglia Ruskin. “Kështu që, ndërsa barku i nënës rritet, në fakt, hapësira e zgjeruar peripersonale është mënyra e trurit për të siguruar që rreziku të mbahet në gjatësinë e krahut”.

Me fjalë të tjera, mos e prekni barkun e rritur të mikeshës suaj ose të dikujt që sapo keni njohur.

Lexo edhe: Si rritet hapësira fizike e nevojshme tek gratë shtatzëna?