Personi më i vjetër në Britani, Grace Jones, ka vdekur në moshën 112-vjeçare.

Vajza e saj tha se super gruaja që kishte jetuar më shumë se një shekull, të cilën e quanin Grace e mrekullueshme, vdiq në shtëpinë e saj  ditën e premte.

Duke folur për nënën e saj “të mrekullueshme”, Deirdre McCarthy, 81 vjeçe, tha: “Nuk kam ëndërruar kurrë kur isha një vajzë e vogël që nëna ime do të ishte pikë referimi për të gjithë vendin. I thashë miqve të mi: Ajo është një dhuratë e mbushur me histori. Ajo ishte e mrekullueshme dhe kishte një sens të këndshëm humori”.

Pas ditëlindjes së saj të 112-të, Jones ia atribuonte jetëgjatësinë e saj pjesërisht uiskit.

Ajo është shprehur më herët: “Uiski është shumë i mirë. Unë fillova të pija nga një gotë çdo natë kur bëra 50 vjeçe dhe kështu kam vazhduar për 60 vitet e tjera dhe nuk kam ndërmend të ndaloj.

“Mjeku im më tha:” Vazhdo me uiski, Grace, të bën mirë për zemrën”.

Jones, e lindur më 16 shtator 1906, u bë personi më i vjetër në Britani pas vdekjes së Oliver Boar, në moshën 113 vjeçare, në shtator.