SIDS është një term që çdo prind i ri e njeh dhe e ka frikë dhe jo pa arsye. Sindroma e Vdekjes së Foshnjës së Papritur ndodh kur një i porsalindur në vitin e parë të jetës vdes gjatë gjumit, në dukje pa ndonjë shkak ose shpjegim.

Tani, një studim i ri nga Universiti i Mjekësisë në Uashington ka zbuluar se mund të ketë një shpjegim gjenetik për disa forma të SIDS-s. Sipas gjetjeve, një defekt gjenetik mund të parandalojë që i porsalinduri të tresë në mënyrë efektive yndyrat që gjenden në qumështin e gjirit (me fjalë të tjera, të shndërrojë yndyrat në lëndë ushqyese). Kjo mund të çojë në krijimin e një materiali yndyror të papërpunuar dhe të ndërhyjë në shëndetin e zemrës së foshnjës, ndoshta edhe duke çuar në një sulm në zemër.

Jason Miklas, autori kryesor dhe një koleg i tij tashmë ishin duke studiuar sëmundjet e zemrës dhe u bënë kuriozë për prevalencën e tyre tek foshnjat. Ata kishin hasur një studim të vogël që shikonte fëmijët që nuk mund të tretnin yndyrat dhe pësuan probleme me shëndetin e zemrës dhe donin ta hetonin më tej. Së bashku me Ruohola-Baker, Miklas filloi të shikojë pse qelizat e zemrës, të cilat ishin të dizajnuara për të imituar qelizat e foshnjës, po vdesin brenda enëve të tyre ku ishin rritur.

Së bashku me përpjekjen për të gjetur një trajtim për SIDS, Miklas shpjegon se studiuesit dëshirojnë të kuptojnë rrënjën e problemit. “Duhet të jemi mirënjohës që mund të bëjmë përparim të vërtetë në laborator drejt ndërhyrjeve që një ditë mund të shkojnë në klinikë”, –  tha ai.

Ndërsa shqyrtimi për defektin gjenetik është i mundur, ende nuk ka një trajtim përfundimtar. “Nuk ka shërim për këtë, por tani ka shpresë, sepse kemi gjetur një aspekt të ri të kësaj sëmundjeje që do të përtërijë gjenerata të molekulave të vogla dhe proteinave të dizajnuara, të cilat mund t’i ndihmojnë këta pacientë në të ardhmen”.

Lexo edhe: Këshilla të rëndësishme lidhur me SIDS