Kur vjen puna tek vaksinimi, prindërit shfaqen shumë skeptikë, edhe pse deri në ditët e sotme nuk ekziston ndonjë provë shkencore që vërteton teoritë në lidhje me autizmin apo probleme të tjera. Një prej shqetësimeve në lidhje me vaksinën aq “problematike” MMR (fruth, parotit dhe rubeolë) është edhe alergjia ndaj vezës.
Ja çfarë thonë mjekët
Sipas mjekut: Guido Vertua (pediatër) i revistës “Medico e bambino” dhe “Parlamentit Europian”, fëmijët alergjikë ndaj vezës mund ta marrin vaksinën trivalente. Sipas tyre kjo vaksinë përmban një sasi shumë të vogël të proteinës së vezës duke qënë se është kultivuar në embrionin e pulës. Nëse fëmija pasi ka konsumuar vezën ka shfaqur vetëm shenja të kuqe në lëkurë mund të marrë edhe vaksinën.
Sipas mjekut Guido Vertua, fëmijët që kanë shfaqur një ndjeshmëri shumë të madhe ndaj vezës (bllokin frymëmarrje, urtikarie, edema në gojë, rënie të tensionit, shok, edema në larging etj) nuk duhet ta marrin këtë vaksinë. Ata duhet të bëjnë më parë një test në lëkurë, i cili kryhet duke injektuar në edemën e lëkurës një pjesë shumë të vogël të vaksinës së holluar me solucion fiziologjik. Kjo provë sigurie është publikuar edhe në “New England journal of medicine”.
Pra sipas këtyre burimeve vaksina mund të kryhet pa problem tek fëmijët alergjikë ndaj vezës. Sipas parlamentit Europian shpesh alergjitë pas vaksinimit shkaktohen nga xhelatina që përmban vaksina dhe jo nga veza.