Shpesh gruaja mund të shkojë deri në ditët e fundit pa asnjë shenjë lindje, dhe kjo gjë shpesh i bën të frikësohen se ndoshta do të “përfundojnë” në lindje me operacion. Në këtë kohë faktorët stimulues do të jenë një ndihmë e madhe. Shumë kohë më parë përdorej vaji i ricinit si një stimulues, por sa e vërtetë është kjo?

Ndihma e vajit të ricinit, a është e sigurt?

Ai mendohej se përshpejtonte fillimin e lindjes natyrale duke qënë se vepron si një laksativ dhe për pasojë favorizon aktivitetin e zorëve, refleks që pasqyrohet edhe në uterus. Në këtë mënryë do të fillojnë kontraksionet e lindjes. Shumë kohë më parë vaji i ricinit merrej rreth javës së 37, një lugë në ditë së bashku me lëng frutash, ndërsa sot shkenca e quan të rrezikshme këtë proçedurë.

Si duhet të përshpejtoj lindjen?

Një gjë është e sigurt, nuk duhet të përdorni vajin e ricinit. Pasi janë vendosur në peshore të mirat dhe rreziqet, literature shkencore evidenton faktin se është më mirë të evitohet. Theksohet se gjatë shtatzanisë do të ishte më mirë të mos favorizohej një stimulim me anën e medikamenteve, por duke përdorur metoda më tepër natyrale dhe më pak të ashpra. Një prej metodavë që stimulon lindjen është kryerja e marrëdhënieve seksuale, kjo pasi sperma përmban prostaglandinën, e cila gjendet edhe tek medikamentet që mjekët përdorin në sallën e lindjes për të stimuluar dhimbjet. Një tjetër mënyrë do të ishte edhe stimulimi nëpërmjet vendosjes së kompresave të ngrohta tek thithat e gjinjve, mënyrë e cila stimulon prodhimin e oksitocinës, hormoni që shkakton fillimin e proçesit të lindjes.