Si nënë që ushqen me gji ju keni të drejtë të ushqeni fëmijën tuaj edhe brenda orarit të punës, sigurisht që kjo duhet përcaktuar dhe pranuar më parë edhe nga punëdhënësi juaj. Por cilat janë disa nga këshillat që do ta bëjnë këtë proçes praktik në vetvete?

Nëna dhe ushqyerja me gji ndërsa rikthehet në punë

• Jepini gji fëmijës suaj përpara se ta lini shtëpinë, edhe në rast se s’bëhet fjalë për kohën e tij të zakonshme së të pirit.
• Flisni me personin përkujdesës se kur fëmija i juaj do të marrë vaktin e fundit. Eventualisht keni mundësi, që fëmija të pijë edhe në një nga ambientet pranë punës apo të shkoni ju në shtëpi në orar pushimi
• Gjatë pompimit në punë mundësisht çlirohuni e rehatohuni sa më mirë. Një fotografi e fëmijës tuaj dhe një muzikë relaksuese mund t’ju ndihmojnë që të çliroheni nga stresi i punës.
• Në rast se ju pomponi gjirin duhet t’i merrni seriozisht këshillat higjenike gjatë pompimit. Qumështin e pompuar ta ruani në enë të përshtatshme, mundësisht të zier paraprakisht në ujë të vluar, dhe ta hidhni në enë ndërsa ajo është e ftohtë.
• Pas pompimit të gjitha veglat që kanë qenë në kontakt me qumështin të shplahen me ujë të ftohtë, pastaj të lahen me preparate për larje dhe më pas të vendosen sipër një pecete vetjake të pastër që të thahen, ose që t’i thani direkt me të. Në shtëpi pjesët duhet të lahen ose të ziehen në ujë të nxehtë.
• Gjatë natës ose gjatë ditëve pa punë, i jepni fëmijës suaj gji sa herë të ketë nevojë.