Ushqimet që ju ndihmojnë të rrisni imunitetin

0 0

Tani më shumë se kurrë, është e rëndësishme që sistemi juaj imunitar të jetë sa më i fortë gjatë pandemisë COVID-19. Një nga mënyrat më të mira për të qëndruar të shëndetshëm është duke mbajtur një dietë të mirëeukilibruar. Dietologia Tiana Carey ndan disa ushqime që mund të ndihmojnë në rritjen e sistemit tuaj imunitar.

Vitamina A (Betakaroten)

Kjo vitaminë ndihmon në shëndetin e zorrëve dhe sistemit të frymëmarrjes. Ndër ushqimet e pasura me vitaminë A janë karota, patatja e ëmbël, spinaqi, brokoli dhe specat e kuq.

Vitamina C

Vitamina C ndihmon në stimulimin e formimit të antitrupave. Frutat agrume, luleshtrydhet, piperi i kuq dhe kivi janë të gjitha të pasura me vitaminë C.

Vitamina E

Kjo lëndë ushqyese promovon neutralizimin e radikaleve të lira duke vepruar si antioksidant. Ushqimet e pasura me vitaminë E përfshijnë vajrat bimorë, arra, fara dhe avokado.

Zinku

Ka shumë enzima të varura nga zinku në trupin tonë dhe mungesa e tij është e lidhur me mosfunksionimin e imunitetit. Ushqimet e pasura me zink përfshijnë fasulet, farat, arrat, mishi, shpezët dhe prodhimet e detit.

Proteinat

Aminoacidet specifike që gjenden në proteina janë thelbësore për funksionin e qelizave T, të cilat janë qeliza që mbrojnë trupin kundër patogjenëve. Mishi, shpezët, prodhimet e detit, vezët, fasulet, arrat dhe farat të gjitha kanë shumë proteina.

Këto lëndë ushqyese ndihmojnë sistemin tuaj imunitar të funskionojë në mënyrë më efikase dhe efektive, por nëse e teproni mund të jenë të dëmshme. Hani këto lëndë ushqyese në moderim dhe mos e teproni. Nëse hani shumë karota, thjesht mund të bëheni portokalli! Si gjithmonë për  parandalimin e përhapjes së sëmundjes, lani duart shpesh.

Lexo edhe: 12 ushqime që përmbajnë më shumë vitaminë C se portokalli






Për të lënë një koment ju duhet të jeni regjistruar Identifikohu



Materiale te ngjashme

Si ndikon qumështi në sëmundjet...

Qumështi nuk rrit nivelet e kolesterolit në gjak, as rrezikun e sëmundjeve kardiovaskulare, por rrit vetëm pak, indeksin e masës trupore. Ky është rezultati i një studimi të kryer nga...

Ushqimet që luftojnë endometriozën dhe...

Aktualisht, për endometriozën, një sëmundje që prek një numër të konsiderueshëm grash, ende nuk ka ilaçe përfundimtare ose trajtime mjekësore. Mënyra e vetme për të lehtësuar simptomat e sëmundjes (dhimbje...

Përfitimet e foshnjës nga konsumi...

Ndërsa foshnja juaj fillon të rritet dhe bëhet gati të provojë ushqime të ngurta ose fruta, nga shumëllojshmëria e frutave që keni në mendje, pjeshkët mund të jenë gjithashtu një...

Si t’u jepni misër foshnjave?...

Misri është një ushqim i shijshëm i njohur për shijen e tij të ëmbël, ngjyrën e verdhë të ndritshme dhe përmbajtjen e proteinave. Për këto arsye, ju mund të mendoni...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X