Për një shëndet të mirë të zemrës, është i njohur efekti i një diete të balancuar me fruta e perime, por sipas studiuesve në Kolegjit Amerikan të Kardiologjisë ekzistojnë ushqime të tjera, të tilla si kafe, çaj dhe bishtajoret, që zvogëlojnë rrezikun e sëmundjeve kardiovaskulare. Megjithatë, nevojitet vëmendje ndaj sheqernave, alkoolit dhe produkteve të qumështit. Rezultatet e studimit u publikuan në Journal of the American College of Cardiology.
Bishtajoret
Fasule, bizele, sojë, chickpeas, thjerrëza, duke qenë një burim i mirë i proteinave, reduktojnë shanset e sëmundjes së arteries koronare dhe përmirësojnë nivelet e glukozës në gjak, tensionin e gjakut dhe peshën.
Kafe dhe çaj
Ndër ushqimet e mira për zemrën janë çuditërisht çaji dhe kafja. Konsumi i rregullt i kafes shoqërohet me një rrezik më të ulët të vdekshmërisë kardiovaskulare. Edhe çaji duket të jetë një “kurë”, sepse përmirëson shëndetin kardiovaskular, me kusht që të jetë pa sheqer ose qumësht.
Armiqtë e zemrës
Hulumtuesit rekomandojnë që rrallë të konsumoni të gjitha ushqimet që përmbajnë sheqerna të shtuara si pijet, ushqimet e përpunuara dhe sheqeri në tavolinë. Konsumi i tyre shoqërohet me një rritje të rrezikut të sëmundjeve të zemrës, ishemi dhe goditje, si dhe një përkeqësim të gjendjeve të caktuara patologjike të tilla si ateroskleroza.
A e dini se?
Kafja përmban flavonoide, substanca që, falë veprimit të tyre antioksidues, kontribuojnë në mbrojtjen kundër radikaleve të lira që nxisin plakjen qelizore.
Lexo edhe: Marrja e omega-3 pas lindjes permireson shendetin e zemres dhe parandalon diabetin
Për të lënë një koment ju duhet të jeni regjistruar Identifikohu