Nëse jeni duke menduar të filloni ushqyerjen e fëmijës atëherë duhet të përdorni ushqimet e pasura me fibra dhe vlera ushqyese, të cilat do ta ndihmojnë fëmijën jo vetëm të zhvillohet por edhe të mos ketë probleme me konstipacionin.
Pasi keni folur me pediatrin dhe ai ju ka dhënë aprovimin e tij në lidhje me ushqyerjen e fëmijës, atëherë mund të përdorni këto ushqime:
Frutat
Janë një burim shumë i mirë fibrash, dhe mund të filloni të ushqeni fëmijën nga muaji i 6. Ndër frutat më të pasura me fibra janë: mollët, bananet, kajsitë, kumbullat, pjeshkët, avokado, manaferrat, fiqtë, dhe dardhat. Më të mirat për t’ja dhënë një fëmije që vuan nga konstipacioni janë kumbullat.
Perimet
Edhe pse mund t’ju duket e çuditshme mund të përzieni bashkë frutat që fëmija tashmë ka provuar me perimet duke i bërë në formë pureje. Ndër perimet që përmbajnë më tepër fibra janë: bizelet, brokoli, bamjet, kungulli i verdhë, lakrat e Brukselit.
Drithërat
Ju mund të përfshini në dietën e fëmijës drithërat të cilat janë ideale për t’u prezantuar që në fillim të ushqyerjes. Do të specifikonim: miellin e grurit, miellin e tërshërës, miellin e elbit. Përsa i përket miellit të orizit përmban më pak fibra se të tjerët. Në momentin që fëmija do të jetë i aftë t’i konsumojë mund t’i jepni edhe makarona bebesh. Një burim fibrash do të jenë edhe thjerrëzat.
Për të lënë një koment ju duhet të jeni regjistruar Identifikohu