Gjatë ditëve të karantinimit, kemi parë shumë personazhe të famshëm dhe jo vetëm të gatuajnë pancake, si një trend që e nisi një nga më të famshmet e botës Kylie Jenner.

Pas saj, në rrjetet sociale vërshoi një lumë postimesh nga pancake-t e gatuar nga VIP-at, por gjithashtu nga njerëzit e thjeshtë, të cilët këto kohë izolimi duket se nuk kanë asnjë dallim nga njëri-tjetri.

Këtij trendi nuk i ka shpëtuar as këngëtarja Zaiminia Vasjari, e megjithatë pancake-t e saj janë ndryshe nga të gjithë të tjerëve.

Në disa foto të postuara në Instagram, ajo na tregon pancake-t e preferuar të së bijës. Nuk janë si ato që kemi mësuar të shohim, por me perime.

Fillimisht Zaimina zien patate dhe brokoli. Pasi i zien, i shtyp mirë me pirun e më pas i përzien me një vezë. Përzierja vazhdon Deri në momentin që krijohet një masë homogjene.

Më pas, duke dhënë formën e pancake-vë tradicional, i përgatit në një tigan që nuk ngjit dhe pancake-t janë gati.

Mund t’i provoni edhe ju me fëmijët tuaj.