Hemorragjia pas lindjes është ende një nga shkaqet kryesore të vdekjes së gruas që sapo ka sjellë në jetë një fëmijë në të gjithë botën, dhe ky rrezik është më i lartë nëse lindja ka ndodhur me operacion, për t’u bërë edhe më i lartë pas lindjes së binjakëve.

A mund të frenohet kjo gjë?

Sigurisht që po! Dhe madje me një medikament që nuk kushton shumë. Ai quhet Tranex dhe është zbuluar për herë të parë në vitin 1960 nga studiuesit japonezë Shosuke dhe Utako Okamotom suksesi i të cilit u pa kryesisht pas një ndërhyrje kirurgjikale. Një studim në “London school of hygiene and tropical medicine”, e konsideron Tranex si një medikament që mban nën kontroll qarkullimin e gjakut pas një proçedure të caktuar.

Tranex dhe hemorragjia pas lindjes

Ai konsiderohet si “medikamenti i artë” i ndërhyrjeve kirurgjikale, pasi përmban një substancë aktive e cila luan rol thelbësor në parandalimin dhe trajtimin e hemorragjive me origjinë të ndryshme. Fillon ta japë efektin pas 30 minutash. Ai redukton rreth 1/3 e vdekjeve pas lindjes si pasojë e rrjedhjeve hematike (copa gjaku) dhe është provuar në rreth 20 000 gra. Efektivitetin më të madh e ka nëse merret deri në 3 orë pas lindjes. Merret në rrugë venoze.