Të kalosh kohë me fëmijën tënd është shumë e rëndësishme, dhe një moment tepër i vlefshëm është edhe ai i kryerjes së aktiviteteve sportive. Gjatë kësaj kohe fëmija qëndron pranë jush, socializohet më tepër, mëson të kujdeset për veten duke parandaluar edhe mbipeshën fëmijënore, mëson si të respektojë rregullat. Llojet e sportit që mund të bëni me fëmijën tuaj janë të ndryshme dhe gjithashtu ju lejojnë të argëtoheni të dy njëkohësisht. Ndërkohë do t’ju këshillonim të zgjidhnit atë lloj sporti që duket më i përshtatshëm për shijet e fëmijës, në mënyrë që edhe të argëtohet.

Llojet e sportit që mund të bëni me fëmijën tuaj

• Mund të pedaloni një biçikletë. Mund të mos jetë një nga sportet më të përshtatshme për në dimër, por gjithsesi gjatë ditëve me diell mund të praktikohet më së miri. Ndoshta pranë detit apo parkut të qytetit në mënyrë që fëmija të marrë ajër të pastër dhe të pedalojë mes natyrës.
• Ecni me fëmijën tuaj. Kjo është një tjetër formë e aktivitetit fizik që ka efekte pozitive për qarkullimin e gjakut, muskulaturën dhe nga ana tjetër është edhe një metodë anti-stres. Gjatë ditëve të pushimit mund të organizoni edhe një piknik në natyrë. Ashtu si edhe më sipër, ecja këshillohet të bëhet në zona me ajër të pastër, dhe jo mes trafikut të qytetit.
• Pishina. Ky është një lloj sporti që mund të kryhet pa problem edhe nëse jashtë bie shi apo dëborë. E ndihmon shumë si nënën (tonifikon trupin) edhe fëmijën. Është një sport që ndihmon në forcimin dhe zhvillimin e organizmit duke i dhënë fëmijës mundësi për t’u socializuar.

Po fëmija juaj ndjek një sport të caktuar? Nëse po në cilën moshë ka filluar?

Lexoni dhe:Perse femijet duhet te meren me aktivitete sportive? 

')}