Jetoni bashkë me prindërit e bashkëshortit apo prindërit tuaj? Ja si të menaxhoni bashkëjetesën tuaj në mënyrën e më të mirë.

Si të jetojmë të gjithë të lumtur?

• Duhet të jeni të gatshëm të komunikoni për të gjitha gjërat që ju shqetësojnë, apo ndryshimet që duhet të bëni në familje. Diskutoni edhe në lidhje me menaxhimin e parave që keni në dispozicion për shpenzimet familjare.
• Shijoni praninë e njëri-tjetrit. Merrni në konsideratë anët më të mira të bashkëjetesës. Nëse do të shkoni diku vjehrra apo mamaja mund të qëndrojnë me fëmijët tuaj, nusja mund të kujdeset për prindërit e burrit apo të vetët e kështu me radhë.
• Respektoni kohën dhe hapësirën e njëri-tjetrit. Pra nuk është e domosdoshme që të gjithë të presin njëri-tjetrin për të ngrënë një vakt duke qënë se nusja dhe djali mund të punojnë deri vonë.
• Tregohuni fleksibël. Pra përpiquni të përshtateni me situata të ndryshme. Gjithashtu mendoni arsyet pse kjo bashkëjetesë është zgjedhur si mundësi në familjen tuaj. Nëse kanë qënë arsye ekonomike mendoni se shpejt do të marrë fund. Nëse është një detyrim zakoni apo nevojë, mendoni se mund të keni përfitime nga kjo dhe mbi të gjitha mendoni për dashurinë që partneri ka ndaj prindërve, gjyshërit ndaj fëmijës dhe ndaj jush.
• Kaloni një kohë cilësore me njëri-tjetrin. Shëndeti, kujdesi ndaj fëmijës, financat bëhen shpesh tema debatesh në familje, dhe ju nuk duhet ta lejoni veten që të gjitha bisedat të zhvillohen rreth këtyre temave. Përpiquni të kaloni sa më mirë bashkë dhe të tregoni edhe histori argëtuese.