T’i lëmë fëmijët të qajnë, nga disa ditë deri në 18 muaj të jetës, duke bërë që ata të ndalen vetë, dhe për këtë arsye të vetë-ngushëllohen, ose të vrapojnë sa më shpejt që të fillojnë të ankohen? Sipas një studimi të ri britanik të botuar në Gazetën e Psikologjisë së Fëmijëve dhe Psikiatrisë, t’i lësh foshnjat të pushojnë të qajnë vetë nuk u bën asnjë dëm bebeve ose marrëdhënieve të tyre me kujdestarët, por përkundrazi do t’i ndihmonte ata të zhvillojnë vetëkontrollin.

Një çështje e vjetër, por gjithnjë aktuale

Pyetja ka qenë e hapur për një kohë të gjatë. Në të kaluarën ishte e zakonshme të mendohej që nëse një fëmijë qante “mushkëritë e tij hapeshin” dhe se nëse ai ndalonte vetë, kjo do të thoshte që ai po mësonte të vetë-ngushëllohej, një hap i vogël drejt përvetësimit të autonomisë aq të lakmuar nga prindërit (edhe për bebet disa muajsh). Në vitet e fundit, megjithatë, çështja është rikthyer në fokus, duke argumentuar se përkundrazi injorimi i të qarës së fëmijës – ose në çdo rast që nëna apo personi që kujdeset nuk i përgjigjet menjëherë thirrjes së tij – kjo rrit në masë të madhe nivelin e stresit të perceptuar nga fëmija, gjë që duhet të shmanget për të ruajtur zhvillim harmonik psiko-emocional.

Kontrolle në moshën 3, 6 dhe 18 muajshe

Hulumtimi i ri i realizuar nga studiues të Universitetit të Ëarëick të udhëhequr nga Ayten Bilgin tani nxjerr në pah se lejimi i bebeve të qajnë do të ketë efekte pozitive në zhvillimin e vetëkontrollit dhe ndryshe nga sa besohet vitet e fundit, nuk do të kishte pasoja negative në sjelljen e ardhshme. Për të arritur në përfundimet e tyre, studiuesit ndoqën 178 fëmijë nga lindja deri në 18 muaj dhe nënat e tyre. Në secilën fazë të studimit kur fëmijët ishin disa ditë, tre, gjashtë dhe 18 muaj – studiuesit administruan një pyetësor te nënat për të zbuluar se sa herë foshnja qau dhe si reaguan prindërit, d.m.th., nëse ata nxituan t’i marrin në krahë menjëherë. Kur fëmijët ishin 3 dhe 18 muajsh, studiuesit hulumtuan gjithashtu ndjeshmërinë e nënave ndaj tyre duke bërë regjistrime video të ndërveprimeve midis tyre, dhe më në fund në 18 muaj zhvillimin e sjelljes dhe lidhjen e fëmijëve me nënat e tyre.

Asnjë efekt negativ

Nga rezultatet e mbledhura, rezultoi se në moshën 18 muajsh, fëmijët që ishin lejaur të qanin më herët, tashmë qanin më pak.

Sa i përket nivelit të lidhjes midis nënës dhe fëmijës, ndjeshmërisë së nënave ndaj foshnjeve të tyre dhe zhvillimit të sjelljes së të fëmijëve në moshën 18 muajshe, nuk u gjet asnjë ndikim negativ midis fëmijëve që ishin lejuar të qajnë kur ishin të vegjël. Autorët sqarojnë se këto rezultate sugjerojnë që prindërit në mënyrë intuitive e dinë se si t’i përgjigjen më mirë fëmijës së tyre dhe se përgjigjet përshtaten me kohën.

Një mangësi e këtij hulumtimi është mungesa e vëzhgimit të drejtpërdrejtë nga shkencëtarët për të qarat e fëmijëve, të cilët janë bazuar në përgjigjet nënave për të mbledhur të dhënat.

Lexo edhe: 8 aryset më të çuditshme pse qajnë fëmijët / FOTO