Ndërsa hodha sytë nga shtrati për të parë nëse akoma po fle, e kuptova se mund të shkoja të nxirrja enët nga lavapjata nëse nxitoja, mund të palosja peshqirët e të laja rrobat e tjera.
Por teksa shikoja si të lëvizste gjoksi kur merrje frymë, e kuptova që duhet të vija të shtrihesha pranë teje.
Sepse ti do të jesh fëmija im përgjithmonë, por do të jesh bebe vetëm për një vit.
Unë vrapova me qetësi përsëri në kuzhinë për të marrë kafen që ishte në banak dhe e vendosa në mikrovalë. Bëra disa punë në kuzhinë pastaj u riktheva në dhomën e gjumit për të parë sërish dhe ishe në të njëjtin pozicion.
Por ndërsa të pashë të lëvizje dhe mendova se po bëheshe gati të zgjoheshe, kuptova se duhet të vija të shtrihesha pranë teje…
Sepse ti do të jesh fëmija im përgjithmonë, por do të jesh bebe vetëm për një vit.
Shikoja raftin e këpucëve që ishte i çrregullt dhe do isha ngritur ta rregulloja, por ndërsa dëgjoja frymën tënde aq të paqëndrushme por aq perfekte, kuptova se duhet të vija të shtrihesha pranë teje.
Sepse ti do të jesh fëmija im përgjithmonë, por do të jesh bebe vetëm për një vit.
Në telefonin tim erdhën disa njoftime përsëri. Një email dhe tre mesazhe të tjera sapo erdhën. Po të merresha me ta, duhet të flisja me 5-10 njerëz për axhendën e punës, për faturat që duheshin paguar, për arritjen e shumë objektivave. Por ndërsa mendoja për to, kuptova se duhet të vija të shtrihesha pranë teje.
Sepse ti do të jesh fëmija im përgjithmonë, por do të jesh bebe vetëm për një vit.
Të mora mbi gjoksin tim dhe e kuptova se duhet të vija të shtrihesha pranë teje më shpesh, edhe kur je në gjumë, pavarësisht nëse i kam përmbushur detyrat e tjera apo jo.
Sepse ti do të jesh fëmija im përgjithmonë, por do të jesh bebe vetëm për një vit.
Ma ngrohe zemrën ndërsa lëvizje gishtat e tu butësisht me të mitë. Dhe ndërsa sytë e tu ishin akoma të mbyllur, fillove të buzëqeshje sikur po mendoje i qetë se mami është këtu.
Sepse ti do të jesh fëmija im përgjithmonë, edhe pse bebe do të jesh vetëm për një vit.
Lexo edhe: 38 mendimet qe pershkojne mendjen e nenes ndersa femija nuk fle
Për të lënë një koment ju duhet të jeni regjistruar Identifikohu