Imazhe të reja mjekësore zbulojnë se rrjetet nervore të foshnjave të parakohshme zhvillohen shumë më mirë kur foshnjat dëgjojnë muzikë të projektuar posaçërisht për ta.
Falë përparimeve të mrekullueshme mjekësore, foshnjat e parakohshme kanë një shans më të mirë për mbijetesë. Por edhe me këtë teknologji të përparuar, ata janë ende në rrezik të çrregullimeve neuropsikologjike. Meqë deficitet nervore të foshnjave të parakohshme janë kryesisht për shkak të stimujve të papritur dhe stresues dhe mungesës së stimujve të përshtatur për gjendjen e tyre, hulumtuesit e Gjenevës donin të shtonin stimuj të këndshëm dhe të strukturuar në mjediset e tyre.
“Dëshirojmë ta strukturojmë ditën me stimuj të këndshëm në kohë të përshtatshme: një muzikë për të shoqëruar zgjimin e tyre, një muzikë për të shoqëruar fjetjen e tyre dhe një muzikë për të bashkëvepruar gjatë fazave të zgjimit”, shpjegon Lara Lordier. “Instrumenti që gjeneroi më shumë reagime ishte flauti i gjarpërinjve indianë. Fëmijët shumë të shqetësuar qetësoheshin pothuajse në çast, vëmendja e tyre u tërhoq nga muzika! ”
Pa muzikë, foshnjat e parakohshme në përgjithësi kishin lidhje më të dobët funksionale mes zonave të trurit sesa foshnjat që lindnin në afat të plotë, gjë që konfirmoi efektin negativ të lindjes së parakohshme. Kur foshnjat janë në inkubator, ata janë të zhytur plotësisht nga stimujt, siç janë hapja dhe mbyllja e dyerve dhe alarmet. Foshnjat me kohë të plotë kanë më shumë kohë për t’u përshtatur me ritmin dhe tingujt rreth tyre, prandaj foshnjat e parakohshme nuk janë në gjendje të zhvillojnë lidhjen midis tingujve të ndryshëm, aq lehtë. Por rrjetet nervore të fëmijëve që dëgjuan muzikë ishin përmirësuar ndjeshëm.
Lexo edhe: Femijet premature rrezikojne te ngelen pa motra e vellezer
Për të lënë një koment ju duhet të jeni regjistruar Identifikohu