Te shohesh per here te pare dashurine e jetes dhe fytyren e femijes

0 0

Të jetosh me një paaftësi të caktuar në trup dhe për Gene Purdie nga Colorado është diçka tepër e dhimbshme dhe e vështirë. Ai vuan nga diçka e tillë që në moshën e adoleshencës. Një sëmundje e rrallë në trupin e tij preku retinën e syrit, gjë e cila shkaktoi tek ai verbëri.
Edhe pse në verbëri të plotë ai i është përkushtuar në mënyrë totale familjes së tij, duke bërë që kjo gjë të mos prishte lumturinë e tyre, lumturinë e gruas së tij Joy si edhe fëmijës së tyre.
Por edhe pse ata kishin një jetë të lumtur brenda kësaj “paaftësie”, dhe tashmë kishin mësuar si të jetonin me të, një ditë Gene dëgjoi dicka tepër të vecante në televizor. Ndërsa ai po ndiqte emisionin e “Rachel Ray show”, kuptoi se një pajisje e veçantë do t’i vinte në ndihmë personave me probleme të tilla si edhe ajo e tij.
E dini se çfarë ndodhi më pas?
Ai vendosi të merrte pjesë në këtë emision dhe të provonte këto syze që do t’i rikthenin atij shikimin. Ai kishte 15 vite që priste një mrekulli nga ana e tekonologjisë dhe sot ishte dita që endrra e tij të realizohej. Menjëherë sapo vendosi syzet në fytyrën e tij, Gene mundi të shikonte fytyrën e gruas dhe djalit të tij për herë të parë në jetën e tij. Imagjinoni çfarë do të thotë kjo për një njeri i cili ka jetuar dhe është martuar me një person që nuk e ka parë kurrë në jetën e tij, të thërritet “baba” nga një fëmijë që nuk e di si e ka fytyrën, si i ka sytë… Imagjinoni si është të jetosh çdo ditë pa bekimin e dritës së syve .
Por e dini se çfarë tha ai sapo vendosi syzet në fytyrën e tij, ndërkohë që publiku ishte skeptik në lidhje me funksionimin e tyre?
“Ajo është e bukur”! Imagjinoni se çfarë emocionesh kanë përjetuar ata si çift, dhe në veçanti ai. Ai sepse po shikonte për herë të parë dashurinë e jetës së tij, ndërsa dashuria e jetës së tij po shikohej për herë të parë nga bashkëshorti që aq shumë e donte, dhe aq shumë rëndësi kishte për të. Ai tashmë mundi të shikonte një imazh të qartë të familjes së tij, atë imazh të cilin ishte përpjekur ta krijonte nga fragmente prekjesh. Tashmë në sytë e tij nuk do të kishte më errësirë! Kompania i dhuroi atij shikimin, i dha atij mundësinë të shikonte çdo ditë bukurinë e gruas së tij, atë bukuri që e bëri ta shprehte me zë të lartë para një publiku të gjerë!






Për të lënë një koment ju duhet të jeni regjistruar Identifikohu



Materiale te ngjashme

A keni raste te familjarëve...

Nëse ti ose të afërmit e tu jeni prekur nga kanceri i trashëguar, mund të pyesni veten se si mund ta përdorni këto njohuri në të ardhmen dhe të jeni...

Për ty mike që je...

E di… Ndiej padrejtësi tani që po shkruaj për ty. Ndihem fajtore sepse jam një nga gratë me fat. Çdo fjalë që shkruaj më thumbon... Sepse e di. E di...

8 fakte befasuese për motrat...

Ka disa studime që shpjegojnë lidhjen mes motrave e vëllezërve në familje si dhe ndikimin indirekt që kanë ata në formimin dhe të ardhmen e njëri-tjetrit. Vëllezërit e motrat kalojnë...

9 mënyra si t’i tregoj...

Të zbulosh se je shtatzënë është një nga momentet më të rëndësishme të jetës. Është lajmi më i madh i jetës suaj, lajmi që mezi prisni t'i ndani me partnerin...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X