loading

Të rinjtë e sotëm punojnë më pak se prindërit e tyre por vuajnë më shumë nga stresi në vendin e punës

0 0

Të lindurit  në vitet ’80 dhe ’90 – po e mbingarkojnë veten shumë  deri në pikën sa ata luftojnë me detyrat e përditshme.

Por një studim i ri ka zbuluar se këta të rinj shpenzojnë shumë më pak kohë në vendet e tyre të punës sesa gjeneratat që erdhën para tyre. Megjithatë, pavarësisht këtyre orëve më të shkurtra dhe më shumë liri në vendin e punës, punëtorët e sotëm gjithashtu ndjehen sikur janë nën një presion shumë më të madh se prindërit e tyre dikur.

Më shumë se 1,500 njerëz nën moshën 45 vjeç morën pjesë në studim, të kryer nga rrjeti Hussle, i cili u kërkoi këtyre njerëzve të krahasonin bilancin e tyre të punës dhe të jetës me atë të prindërve të tyre.

Rezultatet treguan këta të rinj mendonin se jeta e tyre në punë ishte më e lehtë se ajo e prindërve të tyre: 85 për qind e tyre thanë se puna ishte më fleksibël, ndërsa 86 përqind thanë se kishin më shumë liri.

Rreth 30 përqind e tyre që rikujtuan që prindërit e tyre punonin më gjatë,  por shumica nuk besonin se prindërit e tyre e kishin kuptuar ndonjëherë se ç’do të thoshte stres në punë.

Por pavarësisht kushteve më të lehta të punës së anketuarve, 14 përqind thanë se kishin marrë pushim nga puna për shkak të stresit, ndërsa 12 përqind thanë se kishin kërkuar ndihmë mjekësore. Më shumë se një e katërta thanë se ndjehen të shqetësuar dhe të stresuar për punën, dhe një në pesë prej tyre thanë se kishin probleme me gjumin për shkak të stresit në punë.

Mediat sociale, teknologjia dhe qasja ndaj tyre duket të jenë një faktor i madh në shtimin e stresit. Dy të tretat e të anketuarve thanë se u përpoqën të mos përdornin telefonat ose laptopët jashtë orarit të punës, ndërsa më shumë se 90 për qind thanë se ndjenin se media sociale nxit presionin për të pasur karrierë dhe jetë të përsosur.

Gjithashtu punëtorët e sotëm kanë më shumë biseda rreth shëndetit mendor sesa gjeneratat e mëparshme, dhe kjo i ndihmon njerëzit të flasin për mënyrën se si ndjehen dhe gjejnë mënyra për të menaxhuar stresin.

Nëse ju ndjeheni të stresuar në vendin e  punës, ja pesë mënyra se si t’ia dilni pas një dite të gjatë:

  1. Ushtrime. Kjo mund të tingëllojë shumë e zakonshme dhe si gjëja e fundit që dëshironi të bëni pas një dite të gjatë dhe stresuese, por duke marrë kohë për veten tuaj për të bërë ushqtrime mund t’ju ndihmojë për të qetësuar mendjen tuaj. Të punosh në mbrëmje është provuar gjithashtu se të ndihmon të kesh një gjumë të mirë gjatë natës.
  1. Meditoni. Vetëm pesë minuta në ditë mund të jenë të mjaftueshme për t’ju ndihmuar të qetësoni mendjen dhe të largoni çdo mendim negativ.
  2. Gatuani.Gatimi mund të kërkojë kohë por duke qenë se përqendroheni për të bërë diçka, do t’ju duket sikur keni arritur diçka kur të uleni për ta shijuar atë.
  3. Dëgjoni muzikë. Këngët e tua të preferuara ndonjëherë nuk mund të jenë të mjaftueshme për të ndaluar mendjen nga endja në mendime të lidhura me punën. Duke gjetur një album me këngë të reja mund të të mësojë diçka të re dhe të të lejojë të merresh me kuptimin e teksteve të reja.
  4. Bisedoni. Ndërkohë që mund të doni të shkoni në shtëpi dhe të qetësoheni pas një dite të gjatë, bëni plane për t’u takuar me miqtë për të thyer monotoninë. Ndërkohë që mund të duket e preferueshme biseda në mediat sociale, nuk ka asgjë si biseda ballë për ballë dhe do të jeni të lumtur që keni gjetur kohë për ata që doni.

Lexo edhe: 5 simptomat qe nuk e dinit se i keni nga stresi

Posted in Uncategorized

Për të lënë një koment ju duhet të jeni regjistruar Identifikohu



Materiale te ngjashme

Bebet e lindura nga operacionet...

Studimi tregoi që foshnjat e lindura në mënyrë vaginale marrin pjesën më të madhe të dozës së tyre fillestare të baktereve nga nëna e tyre, ndërsa foshnjat e lindura me...

20 Komplikimet e zakonshme pas...

Sidoqoftë, për shumë gra, problemet nuk mbarojnë këtu. Ka disa ndërlikime pas lindjes që mund të ndikojnë tek ju fizikisht, mendërisht, si dhe emocionalisht. Ky artikull do t'ju ndihmojë të...

Truri i fëmijëve zhvillohet shumë...

Përpunimi i gjuhës që lejon një korrespodencë të përsosur midis fjalës dhe objektit fillon shumë më herët sesa mendohej më parë. Ky është rezultati i një studimi të bërë nga...

Po lindte fëmijën e tretë,...

Bota e medias është tronditur ditën e sotme pas publikimit të lajmit se gazetarja e RTK-së, Ardita Sylejmani, ka ndërruar jetë. Mësohet se gazetarja ka ndërruar jetë në Budapest të...

Ne kemi reklame ju lutem caktivizoni adblock ne menyre qe te navigoni lehtesisht.
Faleminderit!

A keni një llogari? Identifikohu


Regjistrohu


X

Ndrysho fjalkalimin


X