Pesë vite më parë, çifti shumë i përfolur asokohe i showbizit, Sinan Hoxha dhe Andrra Destani, provuan magjinë më të madhe të jetës, atë të fëmijës së parë. Ansi, djali i tyre erdhi në jetë 25 majin e pesë viteve të shkuara.

Sot është ditëlindja e tij dhe Andrra i ka bërë një dedikim shumë emocionues pas mesnate në llogarinë e saj në Instagram.

Fjalët i ka shoqëruar me foto të ndryshme të vogëlushit që nga momenti i lindjes, deri në ditëlindjen e kaluar.

“5 vite më parë, jeta më përkëdheli ëmbël, me emocionin që ende sot më mbush shpirtin plot! Të pashë sytë, e kuptova se në vijim do jetoja mbi ëndërr. Me mendjen tek ty, zgjohem e fle, sepse të kam bekim prej Zotit, që zgjodhi t’më ledhatonte me dhuratën e jetës. Të shoh teksa rritesh, aq i vogël ende por mjaftueshëm për të qenë streha ime e ngrohtë, e paqtë dhe besnike, e për mua s’ka rrahje zemre më të fortë. Ëmbëlsia jote, dashuria e pakursimtë që jep, përkujdesi për vëllain, janë buqeta më e bukur e ditëve të mia! Jeta është e gjatë, do të rrëzohesh e ringrihesh, por dije se në çdo hap s’do të jesh kurrë i vetëm, do të jemi gjithnjë katër. Kurrë mos e ndal vrapin e jetës, për asgjë e askënd! Paç bekimet e botës biri im, dashuria ime e pakushtëzuar, rrezja e diellit që më ngroh shpirtin… Gëzuar ditëlindjen, parajsa ime mbi tokë! ANSi”, – ka shkruar plot emocion Andrra.

Më herët, ajo solli në jetë një tjetër djalë, për të cilin zgjodhën emrin Ayan.